Friday, October 26, 2007

اعلام الوراثه

يخطئ البعض فى فهمهم لماهية اعلام الوراثه وذلك حين يعتقدون ان اعلام الوراثه يتضمن تقسيما او توزيعا لتركة المتوفى او انه لابد ان تكون هناك تركه حتى يقومون باستخراج اعلام وراثه لذا رأيت ان ابين كيفية استخراج اعلام الوراثه
اولا
====
لابد ان نعلم ان اعلام الوراثه لا يتوقف على وجود تركه للمتوفى فهو فقط يحدد من هم ورثة المتوفى الشرعيون وما هى انصبتهم الشرعيه

ثانيا اجراءات استخراج اعلام الوراثه
===================
وهى فى الغالب اجراءات سهله وليست معقده
فى البدايه نفرق بين اذا ما كان من بين الورثه وريث قاصر [اى اقل من 21 سنه ميلاديه]ام ان كل الورثه بالغين
ففى الحاله الاولى يتم اولا استخراج قرار وصايه بتعيين وصى على الوريث القاصر من اقاربه هذا فقط فى حالة وفاه الاب [الولى الطبيعى]وعدم وجود الجد او تنازله عن الولايه على حفيده ويتم استخراج قرار الوصايه بعد طلب يتقدم به مستحق الوصايه وهى غالبا الام ويتم تحديد جلسه لتعيين مقدم الطلب كوصى على الوريث القاصر بعد فحص التركه وتجنيب نصيبه منها الذى يتم ايداعه فى البنك فى حساب خاص لايجوز الصرف منه الا بعد رفع الوصايه عند بلوغ القاصر سن الرشد او بإذن للوصى بالصرف من القاضى ثم بعد ذلك يتم استخراج اعلام الوراثه وتكون الاجراءات كالاتى
وهى الحاله الثانيه حالة عدم وجود قصر بين الورثه فان الاجراءات تبدا بتقديم احد الورثه لطلب الى السيد الاستاذ /رئيس محكمة الاسره
مبين به اسم المتوفى وتاريخ الوفاه واسماء ورثته طالبا تحقيق وفاة ووراثة من ذكر اسمائهم بالطلب وترفق بالطلب شهادة الوفاه او مستخرج رسمى منها [يسترد بعد استخراج الاعلام]وصورة البطاقه الشخصيه لمقدم الطلب فيتم تحديد اقرب جلسه لنظر الاعلام ويقوم مقدم الطلب باعلان باقى الورثه بتاريخ الجلسه باعلان على يد محضر فاذا تم اعلانهم فلا يشترط حضورهم لتلك الجلسه ويكفى حضور مقدم الطلب او من ينوب عنه اما اذا لم يتم اعلان الورثه فيجب حضورهم جميعا ويسمع القاضى لشهادين يقررا بان من ذكرت اسمائهم فى الطلب هم الورثه فقط ولا يوجد غيرهم فيقرر القاضى اصدار الاعلام مبينا به اسم وتاريخ وفاة المورث وبيان من هم ورثته وما هى انصبتهم الشرعيه ليقوم بعد ذلك مقدم الطلب او اى من الورثه باستخراج صوره رسميه من اعلام الوراثه
ملحوظه
====
برغم سهولة الاجراءات الا اننا ننصح باللجوء لمحام لانهاء كافة الاجراءات منعا لاى خطأ او ضرر خاصة وان كثير من الناس لايعلمون من هم الورثه تحديدا من الاقارب وربما اغفلوا ذكر احدهم فيتم تفسير ذلك على انه تزوير فى محرر رسمى لذلك فاننا ننصح باسناد الامر لمحام
ان شاء الله سيكون الموضوع القادم فى الزواج
ونرحب باسئلتكم او استشاراتكم بخصوص هذا الموضوع -او غيره طبعا-بدءا من الان
والله ولى التوفيق

20 comments:

عصفور المدينة said...

حمدا لله على سلامتك يا أستاذ
أمتعك الله بالصحة والعافية

خمسة فضفضة said...

السلام عليكم ورحمة اله وبركاته

ازيك يا استاذ اسامه ، حمد الله علي السلامه

جزاك الله خير علي موضوعاتك المفيده جدا
بجد كل تدوينه الواحد بيعرف حاجه جديده عليه ، ربنا يباركلنا فيك ومايحرمناش منك

تحياتي

الدفاع said...

باشمهندس عصفور استاذنا واخونا بارك الله لكم وجزاك الله خيرا
دكتوره فضفضه منورانا بتعليقك الجميل برغم انى مقصر كتير فى حقك ومابعلقش عندك ولكنى بحاول اكون مطلع على تدويناتك وشكرا على ثقتكم وتشجيعكم

ammola said...

حمد الله على السلامة
سؤال يا متر لو سمحت
الحفيد الذى مات ابوه فى حياة جده عند وفاة هذا الجد هل ينضم هذا الحفيد الى باقى الورثة عند استخراج اعلام وراثة؟واذا كان الجواب بلا الا يعد هذا دليلا على عدم احقية هذا الحفيد للارث كما تنص الشريعة الا بشروط خاصة
معلش يا اخى كمان استشارة الحفيد المقيم مع جده فى العين المؤجرة حتى وفاة هذا الجد هل يمتد عقد الايجار له؟وهل لو الاجابة بنعم يلزم تغيير عقد الايجار باسم هذا الحفيد وما هى حدود هذا الامتداد من حيث الاشخاص والزمان
ملحوظة ترتيب الوفاة كان الجدة ثم الجد اى ان العقد لم يحدث له اى امتداد من قبل
انا اطلت عليك جزاك الله خيرا

الدفاع said...

ammolaالسلام عليكم ازيك يا استاذه
ودايما منوره المدونه باسهاماتك اولا بالنسبه للسؤال الاول انا كتبت عنه فى موضوع الوصيه الواجبه وتقدرى ترجعيله هنا
http://aldefaa.blogspot.com/2007/06/blog-post.html
وعموما هو هايرث ولابد انه يذكر كمستحق لوصيه واجبه فى اعلام الوراثه ويستحق نصيب ابيه المتوفى فيما لو كان حيا فى حدود ثلث التركه بحد اقصى وطبعا هذا مخالف للشريعه على ارجح الاقوال
ثانيا فعلا عقد الايجار يمتد للوريث المقيم مع المؤجر قبل الوفاه اى ان هذا الحفيد سيمتد له عقد الايجار بقوة القانون وعمليا لا نحتاج الى تغيير عقد الايجار سيما وان عقد الايجار الاول فى ظل احكام القوانين الاستثنائيه يعنى مشاهره اى عقد دائم اما اذا تم تغيير العقد فسيخضع حتما للقانون المدنى ولا بد ان يكون مؤقتا باى مده ولست ارى ضروره لتغيير العقد وان كان من حق الحفيد ان يرفع دعوى بالزام مالك العقار بتحرير عقد ايجار جديد له ولكن ما الحاجه لذلك سيما والعقد ممتد قانونا والله اعلم

الدفاع said...

وبعدين انتى شاركتى بتعليق فى موضوع الوصيه الواجبه يا استاذه اموله ولا نسيتى كده مش هاينفع ركزى شويه علشان احتمال اعمل امتحان مفاجئ فى التدوينات اللى انا كتبتها

ammola said...

تصدق بالله
انا بعد ما كتبت التعليق حسيت ان حصل كلام مشابه قبل كده وان حضرتك رديت عليه وكنت حالغيه بس قلت اكيد انت حتقدر الزهايمروكده
ياربى..مافيش حاجة بتعدى كده

ammola said...

معلش الله يكرمك سؤال امتداد للسؤال التانى
يعنى لو الحفيد اللى امتد له عقد الايجار يعمل عقد جديد باسمه مش ده يكون افضل لورثة هذا الحفيد من بعده واللا الامتداد بيكون لمرة واحدة فقط بعد وفاة المستأجر الاصلى؟؟
انا عارفة انى تقلت عليك بس كله بثوابه

الدفاع said...

ماشى يا استاذه شفاكى الله من الزهايمر
حفيد ايه اللى ورثته بيفكروا يورثوا عقد الايجار بتاعه اللى هو مورث اساسا
امال لو كانت الشقه تمليك كانوا هايعملوا ايه
الاجابه دى مش اجابه قانونيه دى اجابه عمليه
اما بالنسبه لسؤالك فتحرير عقد جديد هايكون اسوأ من عدم تحرير عقد جديد ليه؟ لان العقد الجديد هايتحرر فى ظل القانون المدنى اللى هايشترط تاقيت العقد بمده وده هايدخلنا فى حوار تانى خالص احنا فى غنى عنه فالافضل ترك الوضع على ما هو عليه
وياريت تتقلى اكتر باسئلتك بس ادعى ربنا يوفقنى فى الاجابه
والله اعلم

الطائر الحزين said...

اخى

حيف كولك


نورت يا استاذ

ammola said...

اخى

طااااااااااااال الغياب

Anonymous said...

السلام عليكم
يا أستاذنا الفاضل حضرتك بتقول إن لازم طالب إعلام الوراثة يعلن باقي الورثة على يد محضر أنا نفسي عملت إعلام وراثةلوالدي ولم أعلن أحد من الورثه إللي هما أخوتي فممكن حضرتك توضحلي ؟
بس يا ريت حضرتك تقوللي سبب غير إني شخصية مهمة ذي ما حضرتك عارف وهما برضة يخافوا يبطلولي الاعلام

بقول لحضرتك هو حضرتك محامي نقض أو إستئناف أصل واضح إنك مخضرم أوي فمش معقولة تكون إبتدائي أو جزئي ثانيا حضرتك منين بالظبط لاني ممكن لو كنت بلدياتي آجي أتدرب عندك وطبعا يكون لي الشرف
أخيرا ممكن أستأذن حضرتك في إني أضيفك
عندي على الياهو. هستنى رد معاليك
الصوت الساخر
والسلام عليكم ورحمة الله وبركاتة

عاشــــــ النقاب ـقــــة"نونو" said...

السلام عليكم
مدونة مفيدة جدا ربنا يبارك لك يارب
وطبعا هتلاقيني نطالك كل شوية نتواصل باذن الله
سؤالي زوجي قاعد في شقة والده تزوجنا فيها وصاحبة البيت هتموت وتعلي الايجار فبقول لزوجي نعليهولها بشرط تعمل عقد باسمك لانها بتطلع الوصل باسم ابوه المتوفي وممتنعة عن اخد الايجار اهو بقالها سنتين بس موجود وممكن نحمرلها عينينا وتاخده
بس افرض مش هتاخده ايه العمل وادفع فين
انا خايفة بس تكون سكوتها دة منمرة على قضية ولا حاجة
ولو حبينا نغير عقد الايجار باسمنا افضل ولا نسيبه كدة ولا ايه
معلش استحملني وطمني ينوبك ثواب
بجد الله يكرمك يارب
تحياتي

Anonymous said...

ساْل لو سمحت
احنا عندنا بيت باسم ابويا هو متوفى حليا وانا لية شقة فى البيت بتعتى وعايز اخلى خواتى يعملولى عقد ملكيا لشقة دى ؟
بس مافيش اعلام وراثى معمول وانا فهمت من كلامك لازظم يكونو موجدين معايا علشان يوقعو على الاعلام دة صح بس فى مشكل عندى اخت من اخواتى مش متواجدة داخل مصر اعمل اى

Unknown said...

السلام عليكم ورحمه الله انا اخوكم هيثم المحامى اتشرف جدا بمعرفتك واحب اقولكم حاجه واحده بس ومش هطول عليكم ياريت يا جماعه اللي ما يفهمش شيء او ما يقدرش يذاكر قانون او مش محامى بلاش يقول كلام ملوش اساس من الواقع او الحقيقه وما هو الا تأليف من وحى الخيال الشخصي مع كامل احترامى واخواتى واساتذتى المحامين والمحاميات اللي موجودين هنا يا جماعه حفيد ايه اللي ليه حق ده جته كسر حقه مفيش حاجه اصلا اسماها امتداد لحفيد قاعد في الشقه يا جماعه الامتداد هو للخلف الخاص وفقا لقانون الايجارات للورثه الشرعيين الموجودين في العين المستاجره وقت الوفاه يعنى بالبلدى كده لو واحد ومراته وعيال والراجل هو اللي كان مستاجر الشقه والراجل ده مات ولاده بس وامهم هما بس لكن ولا في حفيد يشوف اصلا الشقه ولا ليه صفه اصل يطلب بعقد جديد ومفيش حد يقدر يطلب بعقد جديد حتى ولو كان مستفيد لان ده مستفيد مش طرف في العلاقه التعاقديه الاصليه كل سنه وانتم طيبين وياريت يا اساتذه محدش يقول لحد حاجه من غير ما يرجع للقانون واى حاجه حابين تسألوا العبد الفقير اليب الله انا تحت امركم وده رقمى 01066772177-01226242077 انا هيثم المحامى من مكتب المجموعه العربيه الدوليه للمحاماه والاستشارات القانونيه فرع القاهره وليا مكتب في الرياض كما

احمد said...

كلام جميل ... انما لو الخصوم لم يحضروا الجلسة المحددة لنظر مادة الوراثة . ماهو الاجراء المتبع . يجوز تقديم طلب جديد لتحديد جلسة جديدة ولا اية العمل المتبع ... وشكرا

Unknown said...

ماذا يحدث اذا حدد ميعاد جلسه ولم يحضر مقدم الاعلام لظروف

ahmad said...

ممكن اللي يقدم علي اعلام مش من الورثة بس كان بينه وبين المتوفي عقد ابتدائي وعايز ياخد عليه صحه توقيع

alam said...

Glad to chat your blog, I seem to be forward to more reliable articles and I think we all wish to thank so many good articles, blog to share with us. حكم غيابي

muhammadali said...

The writer is enthusiastic about purchasing wooden furniture on the web and his exploration about best wooden furniture has brought about the arrangement of this article. مكتب محامي تاسيس شركات الرياض