Friday, June 8, 2007

الوصيه الواجبه

نعلم جميعا ان للميراث احكام وحالات ومعروفه ولا لبس فيها والقانون حدد انصبه الميراث وفقا للشريعه ولكن هناك جانب متعلق بالميراث

يسمى الوصيه الواجبه فماهى؟؟؟

الوصيه الواجبه: هى تلك الوصيه لتى اوجبها القانون على المتوفى واوجب يتنفيذها حتى ولو لم يوصى بها المتوفى،بمعنى انه فى بعض

الحالات يفرض القانون نصيبا لاشخاص بعينهم ليس لهم نصيب فى الميراث
اصحاب الحق فى الوصيه الواجبه: وينقسموا الى طائفتين
الاولى:تتمثل فى الطبقه الاولى من اولاد البنات (ابن البنت -بنت البنت)ولا تنطبق هذه الاحكام على الطبقه التاليه من اولاد البنات مثل
بنت بنت البنت - ابن بنت البنت وذلك لان الوصيه الواجبه تقتصر فقط على الطبقه الاولى من ذرية البنات
الثانيه:وتتمثل فى ابناء الظهور وان نزلوا مثل ابن الابن وابن ابن الابن بنت الابن وبنت ابن الابن
شروط استحقاق الوصيه الواجبه
1-يكون المتوفى له ولد ومات اثناء حياته او مات معه وان يكون لهذا الولد اولاد
مثال لنفرض ان هناك شخصا اسمه زيد وله ولد اسمه عمرو وعمرو هذا له ولد او اولاد (كلمة ولد هنا تعنى ذكر او انثى)فمات عمرو ابن زيد قبل ابيه زيد هنا يستحق اولاد عمرو وصيه واجبه فى تركة جدهم زيد عند وفاته
2- يكون المستحق للو صيه غير وارث فى التركه
بمعن الا يكون له نصيب مستحق بطريق الميراث حتى لو كان قليلا ففى المثال السابق لو افترضنا ان زيد عندما توفى لم يترك ابناء اصبح احفاده اولاد عمرو ابنه وارثون لذا لا يستحقون وصيه واجبه
3- يكون المتوفى قد اعطى مستحق الوصيه الواجبه ما يساوى نصيبه فى الوصيه حال حياته
مقدار الوصيه الواجبه
يُعطى المستحق للوصيه الواجبه مثل نصيب مورثه الذى مات قبل وريثه وذلك فى حدود الثلث
مثال توفى زيد وترك ابنه ايمن وبنته هدى وابناء ابنه عمرو الذى توفى فى حياته
اذا فزيد توفى عن ابن وبنت وابناء عمرو ابنه اى احفاده
سنفترض عند حل هذه المساله ان عمرو ابن زيد مازال حيا ونوزع الانصبه شرعا بمعنى ان المساله سيكون حلها كالتالى
توفى زيد عن ابنين وبنت فتوزع التركه عليهم للذكر مثل حظ الانثيين فيكون لكل ذكر سهمان وللانثى سهم وبفرض ان التركه 600جنيه فيكون قيمة السهم 120جنيه ويكون نصيب الذكر 240 جنيه والانثى 120 جنيه فنعطى ابناء عمرو الاحفاد نصيب والدهم فيما لو كان حيا =240جنيه ولكن ذلك بشرط الا يجاوز نصيبهم ثلث التركه وفى هذا امثال نجد ان نصيب الاحفاد زاد عن الثلث لذا يجب ان يرد نصيبهم الى الثلث =200 جنيه الا اذا اجاز الورثه الزياده فتعطى لهم
يعنى ايه الكلام ده؟؟؟؟؟؟؟؟؟
بالبلدى :واحد اسمه زيد عنده ابن اسمه عمرو وابناء غير عمرو وعمرو عنده ابناء اللى هما
يبقوا فى نفس الوقت احفاد زيد فاذا فرضنا ان عمرو ده مات قبل ابوه زيد يبقى اولاد عمرو
اللى هما احفاد زيد يستحقوا نصيب فى تركة زيد لما يموت بدون موافقته ولا موافقة باقى الورثه
هذا ملخص مبسط لهذا الموضوع اردت ان ان القى الضوء عليه لانه من المسائل المهمه التى
قد نتعرض لها عند استخراج اعلام الوراثه سيما وان بعضنا لا يعلم من المستحق للوصيه
الواجبه قانونا مما يؤدى الى اخطاء فى اعلام الوراثه هو فى غنى عنها
والله ولى التوفيق

13 comments:

خمسة فضفضة said...

السلام عليكم ورحمة الله وبركاته

شكرا علي المعلومات القيمه ، كل بوست دايما بنعرف الجديد

هاستني الموضوعات بتاع قانون الصيدله ولو حضرتك احتجت مساعده انا في الخدمه ...هههههه

تحياتي

ammola said...

اخى اعتقد ان ما ذكرته هنا يتعلق باحكام الوصيه الواجبه فى القانون وليس فى الشريعه اذ اننى بعد ان سالت بعض المشايخ الثقات علمت ان الشريعه تضع ضابطا لهذه الوصيه الواجبه مفاده انها لاتطبق الا فى حاله ما اذا كان اولاد الابن المتوفى فى حياة جدهم لا يملكون ما يعيشون منه ويترك تقدير هذا الامر للقاضى وفى انتظار ردك

عصفور المدينة said...

اضم صوتي لصوت الأستاذة أمل
ومش حاعلق ولا كلمة زيادة خالص
مش حاقول إنها في الشرع هي تقديرية للقاضي في الشرع كنوع من المساعدة

منة الله said...

اسامة

ادعوك للمشاركة في استفتاء

اكثر 10 مدونات تاثيرا في قرائها

عل مدونتك منهم

اليك الرابط

http://www.6ef.blogspot.com/

الدفاع said...

السلام عليكم
دكتوره فضفضه شكرا على اهتمامك واكيد هاحتاج للمساعده
استاذه امل و باشمهندس عصفور فعلا الوصيه الواجبه مقرره قانونا فقط حتى انه على حد علمى لا يعمل بها الا فى مصر فقط او معها دوله اخرى على الاكثر وليس هناك على حد علمى سند شرعى من السنه يستحق الاستناد عليه فى تقريرها وكل ماهنالك بضعة اراء لبعض فقهاء التابعين وهى ايضا فى الاعم منها ليست على ذلك الوجه المقرر قانونا والمذكره الايضاحيه للقانون سببت لهذا التقنين تسبيبا عاطفيا جدا واستند القانون فينا استند لقوله تعالى (كتب عليكم اذا حضر احدكم الموت ان ترك خيرا الوصية للوالدين والاقربين بالمعروف)وهذا خطأ طبعا انما اردت ان اعرف الناس بالوصية الواجبه قانونا لتعلق الامر بحقوق طائفه من الناس ولم اذكر فى التدوينه العلاقه بين الشرع والقانون كى لا يثار جدلا يبعدنا عن الهدف من التدوينه
والله اعلم وشكرا لكما

الدفاع said...

منة الله شكرا ليكى وجارى الاطلاع على الرابط

الطائر الحزين said...

السلام عليكم
مش هاعرف اعلق لانى لا اعرف فى القانون لكن على حد علمى ان القاضى يحدد الوصية الواجبة تبعا لمقتضى الظروف الكائنة وقتها

الدفاع said...

اخى الطائر السلام عليكم
القاضى قانونا لا سلطه تقديريه له بالنسبه للوصيه الواجبه فكما قلت فى التدوينه ان مستحق الوصيه ياخذ ما كان سياخذه ابيه او امه فيما لو كان حيا وذلك بشرط الا يزيد نصيب المستحق للوصيه الواجبه عن ثلث التركه وشكرا لكم

عصفور المدينة said...

عارف يا أستاذ دفاع
أنا كنت أقصد إن الشخص اللي بياخد الميراث لازم يكون عنده ورع
أصل احنا ممكن نصيغ العلاقة بين القانون والشرع في بعض أحيان عن طريق تقوية الوازع الديني
يعني فاكر لما اتكلمت حضرتك في إيصال الأمانة
ووصلنا لنتيجة ضلمة من غير شرع ربنا
أحب فيك تركيزك على إطار الموضوع والمهنية اللي بيقولوا عليها بتوع الإعلام دي أنا باحبها إن أنا ممكن أعيش دور أنا مش مقتنع بيه للوصول للإنصاف

الدفاع said...

السلام عليكم باشمهندس عصفور انا معاك ان الورع مطلوب ومن غيره المعاملات كلها مش هاتنفع
انما انا مكانش قصدى الا انى اكر مضوع الناس محتاجه تعرفه وانا اعلم من ايام الكليه ان الوصيه الواجبه مش شرعيه بس مش موضعنا اننا نقارن ولو انه من المفيد اننا نقول للناس ان ده مالوش اصل فى الشرع وانت خلتنى افكر جديا فى انى اكتب عن موضوعات قانونيه واقارنها بالشريعه بس مش عارف ده مفيد ولا لا عموما هادرس الموضوع كويس خصوصا ان عندى موضوع شبه جاهز
بالنسبه لموضوع التركيز ده مدح ولا ذم؟
هههههههههه
وشكرا

عصفور المدينة said...

يا عمو والله مدح
وبعدين أنا سعيد إني فضلت أناوش فيك لحد ما رضيت تعمل اللي نفسي فيه

Alaa said...

بارك الله فيك على المعلومة القيمة جدا
اعتقد بعد فترة ستكون موسوعة ممتازة
ربنا يبارك فيك

الدفاع said...

السلام عليكم ربنا يقدرنا ياباشمهندس عصفور ونكون على قدر المسئوليه
ا علاء بارك الله فيك وشكرا لكم ودايما منورنا ان شاء الله