اولا البناء بدون ترخيص
ومعناها ان يقوم الشخص بالبناء على قصعة ارض معده للمبانى ولكن دون الحصول على ترخيص بذلك من الجهات المختصه وهنا يقوم الموظف المختص ويسمى فنى التنظيم بتحرير محاضر بالمبانى المقامه وعادة ما يكون هناك محضر للحوائط ومحضر للسقف ويتم تحويل المحضر للنيابه التى تحدد جلسه لنظر الموضوع وبتلك الجلسه يطلب المتهم ندب خبير فى الدعوى والمحكمه تحدد جلسه لسداد الامانه بحيث اذا تم سداد الامانه قبل الجلسه تاجلت القضيه بدون حضور المتهم لحين ورود تقرير الخبير الذى يرسل للمتهم خطابا للمناقشه والمعاينه ويقوم الخبير بالانتقال الى البناء المقام ليقوم بالمعاينه وهنا يقوم المتهم باحضار شاهدين ليقرروا ان المبنى مقام من اكثر من ثلاث سنوات لكى يتم الحصول على حكم بانقضاء الدعوى الجنائيه بمضى المده ليقوم الخبير بايداع تقريره فى الدعوى موضحا به ان المبنى غير معلوم تاريخ بنائه وان هناك شهود يقررون بان تاريخ البناء منذ اكثر من 3سنوات فيطلب المتهم الحكم بانقضاء الدعوى الجنائيه بمضى المده
ثانيا البناء على ارض زراعيه
وهى لا تختلف عن سابقتها كثيرا من ناحية الاجراءات ويتبع فيها نفس الاجراءات السابقه
ثالثا تبوير الارض الزراعيه
وهى تعنى ان يتترك الارض الزراعيه بغير زراعه لمدة موسم زراعى كامل بعد اعلان الجمعيه الزراعيه له بوجوب زراعة الارض وهى تختلف عن الجرائم السابقه فى كونها جريمه مستمره اى يمكن تحرير العديد من القضايا عن نفس القطعه لكل موسم زراعى لم يتم فيه الزراعه
اما اجراءاتها فهى متشابهه مع سابقتيها من حيث ندب الخبير فقط
الذى يقوم بالمعاينه ليرى ان كان لهذه الارض مصدر صرف او رى من عدمه فاذا لم يكن لها مصدر رى او مصدر صرف حكم فيها بالبراءه واذا وجد مصدر الرى والصرف فاننا نطلب البراءه لخلو الاوراق من اعلان المتهم بوجوب زراعه الارض
والله من وراء القصد
53 comments:
عدة أسئلة
هل هروب المتهم أفضل أم تسليمه نفسه
هل تملك شرطة المرافق القبض على المتهم
ما هو موضوع الأمانة
إذا كان المهندس والمرافق واكلين وبرضه عملوا محضر هل بتفرق
السلام عليكم باشمهندس
فى البدايه انا بشكرك على حسن متابعتك وباعتذر عن تاخرى فى كتابة مواضيع جديده لان الوقت ضيق جدا
اولا بخصوص هروب المتهم ام تسليمه نفسه فى مبدأ عندنا كمحامين هو اننا لا يمكن نسلم متهم للشرطه الا بضمانات جامده جدا وده نادر انما اللى وارد انه يسلم نفسه للنيابه فى الوقت الى اجنا نختاره وهنا لازم نفرق بين المتهم والمحكوم عليه فالمتهم بيكون لسه قضيته فى طور التحقيقات بالنسبه للسؤال اما المحكوم عليه فده واحد اتحكم عليه بحكم فاما يكون لسه ادامه فرصة الطعن فانا كمحامى باقوم بالطعن بتوكيل عنه والا سيتعرض للقبض عليه اما اذا كان الحكم نهائى فيكون امامنا التصالح اذا كانت القضيه يجوز فيها التصالح
فاذا كانت القضيه لا يجوز التصالح فيها فطبعا لا ننصح الرجل بتسليم نفسه ابدا وساعتها انا تنتهى علاقتى به
ثانيا
لا تملك شرظه المرافق القبض على المتهم فى الواقع العملى الا اذا كان متلبسا بالبناء او اى جريمه اخرى بصفتهم من رجال السلطه العامه او من مامورى الضبط القضائى ولكن اذا ذهب المتهم بنفسه لشرطة المرافق للسؤال عن محضره سيتم القبض عليه واحالته للقسم ثم للنيابه لذا ننصح اى شخص تم طلبه عن طريق اى قسم يتوجه فورا لمحاميه ولا يذهب من تلقاء نفسه
ثالثا مش فاهم قصدك بموضوع الامانه نرجو التوضيح
رابعا اساسا كل الناس دى بتقبض وتعمل محاضر برضه وهما بيقبضوا علشان ميوقفوش البناء او يتم ازالته ومصادرة الات البناء لكن لازم يعمل المحضر وعموما المحضر ده مصلحه لان من غيره المرافق مش هاتدخل المنزل
وشكرا لحضرتك
تحدد جلسه لسداد الامانه بحيث اذا تم سداد الامانه قبل الجلسه تاجلت القضيه
على فكره انا مكسوف جدا الظاهر مفيش حد بيقرا المدونه غيرك انت والطائر الحزين يالله ماعلينا
الامانه هى امانة الخبير المبلغ اللى المتهم بيدفعه كمصروفات لخبير وهو غالبا ما يكون 50.50جنيه ولازم يندفع قبل الجلسه المحدده لدفع الامانه والا حكم فى الدعوى بالحبس
وشكرا جزيلا لكم على حسن متابعتكم لنا
يا عم حط عداد للزوار حتلاقي ناس بتزورك بس مش بتعلق
وبعدين محسوبك متبهدل مافيش حاجة ما مريتش بيها مش كل الناس تحس بقيمة كلامك
ممكن ييجي ناس بعد سنة يتزنقوا في الكلام ده احتسب
على فكرة اليوم اللي انت نزلتها فيه كان معمول لي محضر وشرطة المرافق ج تاخذني وعصفور طار
ايها المدافع
منذ متى وكانت الكثرة هى معيار الافضلية لا تحزن قيمة ما تقول فى قناعتك بالخدمة التى تؤديها والتى فى العادى تكون مقابل مبالغ ان استشار احدهم محامى
ايوة زى ما بيقول عصفورنا
زط حدد العوار هتلاقى كثير
كده برضة يا متر؟؟؟؟؟؟؟؟
انا متابعة والله كل بوست وباستنى بس انت اللى بتتاخر وباعتبر نفسى باخد درس خصوصى وببلاش مانت عارف اللى ماشتغلش بالمحاماة يبقى ولا كانه درس قانون.عموما اعتبرنى المساعدة بتاعتك بس شاى وقهوة ماليش فى القضايا والمحاكم
ربنا يبارك فيك ويجعل عملك خالص لوجه الله ويتقبل منك
عرفت بقى ان الصبر جميل
من من المدونين ضمن له سكرتيرة
السلام عليكم جميعا ومتشكر ليكم جدا بالنسبه لعدد الزوار دى انا لسه مش عارف احطها ازاى من يوم ماعملت المدونه ونا عمال اعافر معاها بس مش عارف انتوا جايبنها منين فياريت حد يقولى على المحل اللى انتوا شارينها منهالاستاذه اموله اهلا بيكى منوره مدونتك انا اسف على انى مقل لان الوقت مش مساعدن وبسافر كتير اليومين دول بس اوعدك انى انشاء الله ساكتب مواضيع مهمه الايام اللى جايه دى وشكرا لحضرتك جدا
http://www.histats.com
بارشح لك ده وسأكتب عنه تدوينة بس عاطفية مش فنية
منذ متى أخي الحبيب و عدد الزوار هو معيار على مستوى و قيمة المدونة ؟
أحب أقولك حاجة
كثيرين يملؤ الزوار مدوناتهم و كلامهم لا يسوى و ربما يودي بهم إلى النار
مدونتك رائعة أخي الحبيب و على المفضلة عندي مباشرة
و انا من الزوار الدائمين باذن الله :)
الأخ الفاضل : أسامة
السلام عليكم ورحمة الله وبركاته
سعدت كثيراً بتعرفى على مدونتك المتميزة
وأحييك على ماتقدمه من خدمات ومعارف قانونية تضيف إلينا ثقافة قانونية نحن فى أشد الاحتياج إلى التعرف عليها والإلمام بها
لأنها ثقافة ضرورية وخاصة ونحن فى زمن ضياع الحقوق
بارك الله فيك وأعزك
أخوك
محمد
السسلام عليكم استاذ علاءو استاذ محمد الجرايحى اهلا بكم شكرا على اهتمامكم وانشاء الله تظل المدونه فى خدمتكم
مبروك العداد يا أستاذ والفحت
بس انت ضيف واحنا نفحت
السلام عليكم ورحمة الله وبركاته
استاذ اسامه ، احنا متابعين معاك ،بس كنت كل ما ادخل الاقي الموضوع زي ماهو ما تغيرش فقعدت فتره ماجيش وبعدين لقيت 3 مواضيع مره واحده ، اديني فرصه بس اقراهم و بعدها ياريت ما تزهقش من الاسئله ، ما انت تعتبر مستشرنا القانوني ولا ايه
-----------------------
عارف حضرتك بالنسبه لنصيحتك بعمل محضر للشقق المغلقه ، فعلا بدانا ناخد اجراءات واعتقد ان المستأجرين بدأوا يخافوا ، ويساومونا علشان يسيبوا الشقق ، جزاك الله خير
اما بقي جرايم المباني دي ، استناني بس اقرأ وعندي اسئله كتير اوي
تحياتي لحضرتك
السلام عليكم ورحمة الله وبركاته
اسمحلي حضرتك اسال عن شوية حاجات :
اولا ايه هي الحالات اللي ممكن المتهم بالبناء بدون ترخيص ياخد فعلا فيها حكم ؟؟؟وايه هي اقصي مده ممكن يتعرض ليها ؟
وايه الاجراءات اللي المفروض اي واحد يعملها علشان يتجنب الحكم ده ؟؟؟
تاني حاجه ، هل فعلا كما يشاع ان استخراج ترخيص للبناء معقد جدا ويتطلب دفع اموال كتيره جدا ، مع كتير اوي من البيروقراطيه ؟؟؟؟ ولو ماكانش كده ايه بقي الميزه اللي هاتعود عليا كصاحب بيت لو استخرجت ترخيص ؟؟؟؟ ما انا كده كده هابني و اخد براءة في القضية وافر فلوس الترخيص
---------------------------
حاجه حضرتك نسيت تقولها ، ان اول خطوه بعد الاخطار بعمل محضر ان صاحب البيت المفروض يتوجه الي التأمينات لسداد شويه فلوس كده مش عارفه تحت بند ايه ،ويقدم الي النيابه ما يفيد تصالحه مع التأمينات علشان مايتعرضش لقضية تهرب من التأمينات مع قضية البناء بدون ترخيص ...صح ولا انا غلطانه
آسفه علي التطويل ، وشكرا مقدما علي اجابات الاسئلة
السلام عليكم الله يبارك فيك يا باشمهندس عصفور اضافه العداد تمت بمعرفة الطائر الحزين فشكرا لكم
الدكتوره فضفضه اهلا بيكى دايما منوره المدونه انا اسف لانى مقصر فى كتابة مواضيع جديده الوقت ضيق جدا وبسافر كتير ويشرفنى ان اكون مستشاركم القانونى وياريت اكون بس على قدر اللقب
بالنسبه للشقق بتاعتك اعتقد انهم هايسيبوها لو اخدوا مبالغ مناسبه ويبقى كده انتوا حييتوا البيت من جديد بس ياريت يكون فى حد بيعرف يساوم من طرفك كويس
بالنسبه للمبانى
اولا نادرا مايحبس احد بسبب المبانى الا اذا اهمل فى الدعوى بعدم الحضور كأن يصدر ضده حكم ثم يعارض ولا يحضر ويستأنف ولا يحضر وهكذا فيصبح الحكم نهائيا مما يعرضه للحبس
ثانيا غالبا عقوبة المبانى هى الحبس سنه وغرامه تعادل قيمة الاعمال المخالفه ويمكن توقى الحبس بمتابعة الدعوى امام المحكمه وندب خبير فيها و سماع شاهدين امام الخبير يقرروا ان المبنى مقام قبل ثلاث سنوات من تاريخ تحرير المحضر بذلك يحكم القاضى بانقضاء الدعوى الجنائيه بمضى المده او يكتفى بتغريم المتهم القائم بالبناء وذلك يحدث نادرا
ثالثا بالنسبه لموضوع الترخيص فهو مش معقد قوى ولا حاجه بس مكلف بعض الشئ ومحتاج اكراميات والذى منه ولكن الناس لا تحصل على الترخيص لان الرسم الهندسى اللى بيفرض على صاحب الارض بيضيع المساحه عليه يعنى لو افترضنا ان المساحه 100 متر تلاقى الرسم عامل منور حوالى 9او10متر والبلكونه ضيقه بمعنى ان الشروط بتاعته مش فى مصلحة طالب الترخيص ودايما الناس اللى بترخص بتكون مساحة اراضيهم واسعه او هايبنوا برج مثلا وبعدين لو حصلتى على ترخيص مثلا وخافتى الرسم الهندسى بيتعمل محضر مخالفة شروط ترخيص ودى قضيه غلسه اصعب من قضية المبانى بدون ترخيص
رابعا موضوع التامينات ده بيندفه لما التامينات ترسل خطاب لمن يقوم بالبناء والا التامينات هاتعمل مجضر تبديد وانابصراحه مش عارف ليه التامينات بتاخد فلوس انما ده ملوش دعوه بقضية المبانى خالص و شكرا لكم على حسن متابعتكم لنا
على فكره انا بفكر اكتب موصوع عن قانون الصيدله والمنشأت الصيدليه لانى عندى خبره كويسه فيه فخليكى متابعه اول مايكمل الموضوع هاكتبه علطول وشكرا مره اخره
عزيزي قضيتي انني احببت ان اوسع علي نفسي وعلي اسرتي قفمت بشراء قطعة ارض بشبراالخيمة وقمت ببناء منزل من ثلاثة طوابق وبالطبع اتعمل لي ثلاثة محاضر مباني الاولي اخذت انقضاءالدعوي الجنائية والثانية برضة انقضاء ولكن النيابة استانفت والحمد للة حكمت محكمة الجنح مستانف بتاييد حكم الانقضاء الثالثة مفروض تكون تابتة ولكن تاتي الريح بما لاتشتهي السفن اخذن انفقضاء ولكن النيابة استانفت حضر المحامي وقدم مذكرؤة حكمت المحكمة بالحبس ستة شهور وغرامة بتكلفة الاعمال مش عارف هاعمل اية المحامي بيقول لي هنستشكل ونعمل نقض وان كان ذلك لا يوقف الحبس واخر يقول لي نروح الحي نتصالح ومحضر التصالح بيوقف تنفيذ الحكم ارجو ان تدلوني ماذا افعل؟؟؟؟؟؟ في انتظار الرد العاجل مع خلص التحية اخوكم سامي
السلام عليكم
Anonymous
انا اسف على عدم سرعة الرد
حالتك من الحالات النادره جدا والصعبه فى نفس الوقت بالنسبه للتصالح مع الحى فقانون تنظيم المبانى خلا من النص على جواز ذلك وانا سالت فى الحى فى مدينتى وافدوا بعدم وجود تصالح فى محاضر المبانىيبقى امامنا الاشكال فى التنفيذ والنقض وده مش اكيد ان يوقف تنفيذ الحكم ولكن لا يوجد غير ذلك الحل
او تبتعد عن التنفيذ لمده خمس سنوات كامله بغير السفر للخارج لعل الحكم يسقط بمضى المده وايضا انصحك بان تسال فى الحى فى مدينتكم لعلهم يفيدوك بحل وانا لست اعلم اكثر من هذا واسف جدا اننى لا استطيع المساعده وادعوا الله لكم بالتوفيق وشكرا
السلام عليكم يا استاذ اسامه
عندى سؤال وهو انى اتحكم عليه حكم سنه سجن وعشر لالف غرامه بناء بدون ترخيص طبعا الحكم بحضور المحامى وانا مسافر خارج البلد وطلب منى انزل واحضر فى القفص لدفع الغرامه وانا متخوف من النزول هل الحكم بيسقط بمضى المده وهل ممكن انزل مصر ولا ممكن اقابل عقبات فى المطار لان اسمى فى الامن العام ارجو الافاده مع جزيل الشكر
شكرا ، وجزاكم الله خيرا على ما تقدمونه من معلومات ، لأن مهندسي الأحياء يفرضون علينا رشاوى فادحة ، أنا شخصيا دفعت حوالي خمسة آلاف جنيه ، ومع ذلك تحررت لي محاضر ودخلت في دوامة القضايا ، ولو كنت أعلم لتفاهمت مع رئيس الحي مباشرة عن طريق سماسرته المنتشرين في الحي ، لكنهم لا يظهرون إلا بعد تورطنا مع المهندسين والسائقين والنصابين ، الذين يرسلون بعضهم بالتتابع لنهب المزيد من الرشاوى ، وهم أبدا لا يشبعون .
حسبنا الله ونعم الوكيل .
فى البداية كل عام وانتم بكل خير بمناسبة الشهر الفضيل شهر رمضان المبارك .. واسمحولى ان اعرض مشكلتى .. انا ساكن فى شقة من سنة 1979 وكان قبلى ساكن فيها شخص اخر ..فى شهر 5 سنة 2010 فؤجئت بأعلانى بأن هناك لى قضية مخالفة مبانى وذلك بقيامى بفتح 2 شباك ..رغم انى مستلم الشقة من ساكنها السابق بوضعها ولم اقم بفتح اى شبابيك .. وفى 21/7/2010 حكم على غيابى بسنة حبس و3 امثال قيمة المخافة وقدرت قيمتها بألف جنيه يعن 3000 جنيه + سنه حبس وانا فى حيرة ماذا افعل
اذاكانت المخالفة غير موجودة اصلا فى الرسم الهندسى المعتمد من الوحدة المحلية مثلا مخالفة عدم ترك حرم جار للبلكونة مع ان الرسم الهندسى المعتمد من الوحدة الدحلية ليس بة حرم جار
...
اذاكانت المخالفة غير موجودة اصلا فى الرسم الهندسى المعتمد من الوحدة المحلية مثلا مخالفة عدم ترك حرم جار للبلكونة مع ان الرسم الهندسى المعتمد من الوحد ماذا افعل اكرمكم الة-حتى الغى حكم الحبس سنة على هذة المخالفة
بوهل يوجد تصالح فى مخالفة بروز بلكونة وعدم ترك حرم جار للبلكونة
السلام عليكم ورحمة الله وبركاته
لدي استفسار اخي الكريم
لدينا منزل مبني منذ عام 89 من خلال حكم براءة من الزراعة ومصالحةه به ماء وكهرباء
اردت ترخيص صيدلية بالمكان ولكن لان المكان مسقوب بخشب قمنا بهدم الحواط لبناءه 2009
مصادفة اتي موظف الادارة الهندسية وحررمحضر هدم
واتي الخبير
وحكمت المحكمة بغرامة 20000 مع الايقاف ووقف الاعمال المخالفة
عندما ذهبت الي المهندس المختص في مجلس المدينة
قال :: لايمكن ترخيص اي محال او صيدلية بالمكان لانه اخذ حكم مخالفة
ما صحة هذا الكلام؟؟
هل من مخرج لهذا الموضوع علما باني رفت علي الصيدلية تجهيزات مكلفة
السلام عليكم ورحمة الله وبركاته
لدي استفسار اخي الكريم
لدينا منزل مبني منذ عام 89 من خلال حكم براءة من الزراعة ومصالحةه به ماء وكهرباء
اردت ترخيص صيدلية بالمكان ولكن لان المكان مسقوب بخشب قمنا بهدم الحواط لبناءه 2009
مصادفة اتي موظف الادارة الهندسية وحررمحضر هدم
واتي الخبير
وحكمت المحكمة بغرامة 20000 مع الايقاف ووقف الاعمال المخالفة
عندما ذهبت الي المهندس المختص في مجلس المدينة
قال :: لايمكن ترخيص اي محال او صيدلية بالمكان لانه اخذ حكم مخالفة
ما صحة هذا الكلام؟؟
هل من مخرج لهذا الموضوع علما باني رفت علي الصيدلية تجهيزات مكلفة
استاذ ابو بكر ايه علاقة الحى او مجل المدينه بترخيص الصيدليه؟؟ الصيدليه بتحصل على ترخيص من ادارة الصيادله برجاء مراجعتى فى الاحراءات اللى انت بتعملها حتى بتسنى لى معرفة ما ينقصك وان شاء الله اقولك على المخرج
شكرا جزيلا اخي العزيز علي ردك واهتمامك
يتم الترخيص في ادارة الصيدلة ولكن من الاوراق المطلوبة
رخصة المنزل(غير موجودة لاننا في قرية)
في هذه الحالة يتم طلب الاوراق الاتية
1- ما يفبد عدم التعدي علي الارض الزراعية
2-مايفيد ان المنزل ملك خاص وليس املاك دولة
3-مايفيد عدم وزجود تعدي علي الطريق العام
يتم اخذها من مجلس المدينة او المجلس المحلي
والحمد لله تم الانتهاء منها
لان موظف المجلس المحلي لا يعلم شئ عن المحضر
ولكن بعد اكمال ملف الترخيص يقدم الي ادارة الصيدلية والتي ترسل نسخة منه الي الادارة الهندسية لمجلس المدينة (حيث الموظف الذي حرر المحضر)
لكتابة التقرير النهائي وعدم الممانعة من الترخيص
الموظف رفض لان المنزل اخذ محضر وطلب صورة الحكم النهائي
واعترض لان الحكم كما قلت سابقا
غرامة 20000 مع الايقاف ووقف الاعمال المخالفة
الموظف اعترض لانه خايف من المسئولية ولكنه لا يعلم الحل او الموقف القانوني
ارجو اخي الكريم ان ترسل لي رقم جوالك لكي اتواصل معك
لو سمحتو انا عندي 100
1- اتعملي محضر مخالفه مباني وجاء الخبير عاين ومكتبش اني مدخل مياه وكهرباء علي الرغم ان العدادات راكبه
2- اتحدد جلسه اولي (درجه الاولي ) واتحكم سنه سجن و الف جنيه غرامه
3- انا معايا ايصالات تركيب المرافق وايصالات المياه والكهرباء والمحامي قدمها للقاضي وبردو اخدت الحكم دا
اعمل ايه في الاستئناف لو سمحتو مستني ردكم
السلام عليكم اخي الكيريم موضوع هام جزاك الله اخيرا
اخي الكريم لدي استفسار عندي ارض زراعية مساعتها 200م وقمت بعمل سور حولها ارتفاعه متر ونصف وقد تم عمل قضية تبوير و قضية بناء وقد تم الحكم في التبوير بسنة سجنة و 1000غرامة و في الاخرى بسجن وغرامة وقمت بعمل استئناف ولم احضر لوجودي خارج البلاد والمحامي قالي لي بالنسبة للتبوير اتجاه لالغاء السجن و بقاء الغرامة وفي قضية البناء تنقضي بغرامة بضعف الانشاءات اليس هناك حل اخر قبل ان احدد المعارضة الاستئنافية وهل هنا مدة يمكن أن تنقضي فيها هذه الدعوى و هل استطيع بناء منزل بدون مشاكل على هذه الارض حيث انني ليس لي منزل في مصر و شكرا
أولا احب اشكرك على ردودك القيمة .
ثانيا عندى سؤال
لدى قطعة ارض زراعيه حوالى 90 متر قمت بعمل سور عليها فقط وتم عمل محضر ولم احضر فى اول درجة واخدت سنه غيابى و50 الف غرامة
وعملت معارضة هل من سبيل للتخفبف
ده ايميلى اتمنى نتواصل
m.elgawad@hotmail.com
السلام عليكم ورحمة الله وبركاته
عندي قطعة أرض زراعية مساحتها 5 قراريط لم أقم بزراعتها منذ فترة لوجودي بالخارج وعند عودتي منذ شهرين فوجئت بتحرير محضر لي في الجمعية الزراعية وتم عمل قضية فقمت باعادة زراعة الأرض مرة أخرى
أود أن اعرف بماذا ادفع امام القاضي وماذا أطلب
وشكرا
انا اشتريت قطعة ارض فضاء وبعد شهرين ظهر ناس بتدعي انا تملك هذه الارض فقررت ان ابني سور حولها حتي احدد حدود ارضي فقام هؤلاء الناس بشكوي ضدي بانني قمت بالبناء بدون ترخيص مع العلم انه سور فقط من 3 اتجاهات والجهة الرابعه هي حائط الجار املا منهم في اخافتي والتراجع عن عملية الشراء مع العلم ايضا انني اشتريت هذه الارض بالقسط يعني دفعت مبلغ والباقي بعد سنه وهل اساسا يجوز ان احصل علي ترخيص مباني بعقد ابتدائي وليس نهائي ؟ فارجو الافاده في اسرع وقت ممكن لان المحضر اتحول الي النيابة
فين الرد ياجماعة
السلام عليكم لو في امر جنائي بتغريم المتهم مثلي الاعمال المخالفه والتي كانت تقدر بمائة الف جنيها مع العلم ان الحكم كان حبس ولكن تم تعديله بعض عمل المعارضه وتقرير الخبير الي غرامه فما هي ااوجه الدفاع والدفوع التي من المكن ان نبديها امام القضاء حتي يتم على الاقل تقليل مبلغ الغرامه
او الحصول على البراءه
افادوني افادكم الله
لو سمحت كنت عايزه اسأل بس ياريت ترد عليا ضرورى المشكله عندى احنا قمنا ببنا قطعه ارض هى اصلا داخل كردون المبانى ولكن بدون تصريح وعاتعملنا محضر فعلا وكان فيه جلسه محكمه من فتره بس محدش راح ولا اهتم ياترى ممكن اعرف ايه اللى هيحصل هل ممكن يكون فيه حبس ولا غرامه بس
انا عندي مشكله اتحكم علي اخويا بغرامه يوميه في شهر واحد اللي فات بعد الاستناف والمحامي قالو انت اخد براءه وفي غراميه يوميه شغاله من شهر 10 المهم وصل المبلع ل نص مليون جنيه لسه عرفين الكلام دا من يومين ايه الاجراء اللي ممكن اعملو
هي قضيه مباني وشكرا للاهتمام
لو سمحتوا ممكن حد يفيدنى انا بورت الارض لمده عام وعملت معارضه وبعدها زرعتها حاليا وروحت الجمعيه الزراعيه قلى هات جواب من النيابه عشان نديك اخطار او جواب انك ازلت اسباب المخالفه ممكن الصيغه النا هقدمها لوكيل النيابه لو سمحتوا
لو سمحتوا ممكن حد يفيدنى انا بورت الارض لمده عام وعملت معارضه وبعدها زرعتها حاليا وروحت الجمعيه الزراعيه قلى هات جواب من النيابه عشان نديك اخطار او جواب انك ازلت اسباب المخالفه ممكن الصيغه النا هقدمها لوكيل النيابه لو سمحتوا
انا عندي منزل قمت بعمل ترخيص له ولكن لم التزم به مطلقا من حيث التصميم والارتاد حيث كان من المفترض ان ارتد 85سم واخذت وعد منهم بعدم فتح هذا الموضوع الا اذا اشتكي احد الجيران ولكن يعكر صفو العمليه احد الجيران فانا الان اقوم بتسيسه ولكن الي متي يصبح لا قيمه لشكواه وما هي لاضرار الناتجه عن ذالك ومتي تسقط وماذا افعل
انا عندي منزل قمت بعمل ترخيص له ولكن لم التزم به مطلقا من حيث التصميم والارتاد حيث كان من المفترض ان ارتد 85سم واخذت وعد منهم بعدم فتح هذا الموضوع الا اذا اشتكي احد الجيران ولكن يعكر صفو العمليه احد الجيران فانا الان اقوم بتسيسه ولكن الي متي يصبح لا قيمه لشكواه وما هي لاضرار الناتجه عن ذالك ومتي تسقط وماذا افعل
هل فى حالة الحكم بالغرامه يصلح ذلك الحكم لتوصيل المرافق؟
هل التعديلات الاخيرة علي قانون البناء علي الاراضي الزراعيه ٧ لسنة ٢٠١٨ تم تفعلها والعمل بها في المحاكم ام لا ؟
وهل تلك التعديلات والعقوبات تسري علي قانون المباني ١١٩ ام تسري فقط علي شهدة الزراعة اومحضر الزراعة تبوير وتشوين ؟
السلام عليكم
والله كان عندى استفسار.
يوجد عقار مرخص وتم البناء حسب الرخصه.
واﻻن نريد بناء دورين فوق الرخصه اقصد بدون ترخيص ما هو الموقف القانونى للبناء المخالف فوق مبنى مرخص. سواء الغرامهاو خ فه.
مع تحياتى
عندى بيت داخل ٣ أمتار من الشارع إلى المفروض هيطلع شارع علشان كده دخلت ٣ متر من خلف المنزل جارى فتح بلكونات فى ٣ متر النا سيبهم وكمان سد الشباك بتاعى مع العلم المسافه بين الشباك والبلكونه ٥٠ سنم
سعدنا بسيادتكم ولى بعد ازنكم استفسار .قيام موظف الوحده المحليه بعمل محاضر مبانى بدون ترخيص ومحاضر استاناف اعمال خلال شهرين لمنزل مبنى من طابقين وحظيره منذ عام 2003 ومستكمل المرافق 3 عداد كهربا ومياه علما بأنه حرر محاضر أشغال لسلم قبل تحرير تلك المحاضر بشهر فما هو رأيكم وما هي الاجرات اللتى يمكن اتخاذها ولسيادتكم وافر الاحترام والتقدير
قومت بهدم منزل 90متر بدون ترخيص ماهى العقوبه الموقعه وماهى الغرامه
السلام عليكم لو سمحت انا محامية زميله وتعمل محضر لزوجي مخالفة مباني والغرامة فيه مثلي قيمة الأعمال مقدرة بمبلغ ١٨٠*٢وحضرنا في المحكمة وطلبنا خبير وقدمنا ما يفيد أن البناء تم من خمس سنوات قبل تحرير المحضر وهذا أمام الخبير وقام بالمعاينة وطلع تقريرالخبير لصالح المتهم بأن الخبير اثبت بالمعاينة وشهادة الشهود والتقرير الاستشاري أن المبنى مقام من خمس سنوات. أريد من حضرتك تساعدني في عمل مذكرة أمام المحكمة للحصول على حكم بأنقضاءالدعوي الجنائية وارجوا الرد عليا بسرعة لأن فاضل عشر ايام على جلسة المحكمة وهذا الرد ضروري جدا ارجوك تساعدني كزميل
سهله . لو عايزه مذكره اكتبهالك
بس زمانك حضرتي الجلسع والقضيه خلصت
يجب ان لا تقل المسافه عن متر في حالة المطلات والشبابيك الموجهه الي ملكك
ارفع دعوي سد مطلات ومناور
بس خلي بالك لا يجوز ان يمر سنه بين رفعك للدعوي وبين فتحه لهذه المطلات والشبابيك
بس اعمله انذار بغلق الشبابيك واعمل محضر اداري بالواقعه دي واطلب معاينه من مجلس الحي او الوحده المحليه اللي انت تابع ليها. وبعد ده كله ارفع دعوي امام المحكمه بس خلي بالكمنمدة السنه اللي قولتهالك
Post a Comment