Saturday, May 19, 2007

ايصال الامانه


إيصال الامانه
ايصال الامانه هو اكثر صور جريمة خيانة الامانه شيوعا فى الحياه العمليه من حيث هو الاكثر

فى التجاره واثبات الديون والحقوق وصورته الشائعه اليوم ان يسلم احد الاشخاص مبلغا من المال على

سبيل الامانه الى شخص اخر ليقوم بتوصيله الى طرف اخر ثالث بحيث اذا لم يقم بتوصيل المبلغ

تم تحريك دعوى خيانة الامانه ضده وهى جنحه الحد الاقصى لعقوبتها 3سنوات الايصال عموما يعتبر

سند قوى للعقوبه الا انه فى بعض الاحيان يكون فى غاية الضعف خصوصا لو استخدم تلفيقا وزورا

وايصال الامانه الحكم العام فيه انه لا يجوز ان يحرر على بياض اذ لو اثبت المتهم انه كان على بياض

وتم تحريره بمبالغ غير حقيقيه اصبح من السهل الحصول على البراءه فى الدعوى مع بعض

الاجراءات الاخرى لذا فالنصيحه هى ان لا توقع على ايصال امانه على بياض ولا تستوقع احدا

على بياض والدعوى تبدأ حين يحركها صاحب الايصال (المجنى عليه)ضد المتهم موقع الايصال

وهى اما ان تحرك بالطريق المباشر (جنحه مباشره)وهى التى يقوم المحامى بتحريكها عن طريق

النيابه بموجب صحيفة دعوى يتم اعلانها للمتهم او بطريق (الدعوى غير المباشره)عن طريق عمل

محضر فى القسم الذى يحيل المحضر للنيابه التى تقوم بتحديد جلسه لنظر الجنحه والفرق بينهما فى

بعض الاجراءات العمليه ولكن النتيجه واحده وعادةً ما يحكم فيها غيابيا فى اول جلسه فى حالة عدم

حضور المتهم الذى يكون له الحق فى المعارضه فى هذا الحكم والمعارضه هى طريق من طرق

الطعن فى الاحكام الغيابيه فى الجنح اى انه يشترط لطعن بالمعارضه ان يكون فى جنحه او ان يكون

الحكم الصادر فيها غيابيا ومدة الطعن نظريا 10ايام من تاريخ العلم بالحكم الغيابى لذلك فمدة الطعن

عمليا تكون مفتوحه فاذا تم تاييد الحكم فى المعارضعه يكون للمتهم حق استئناف الحكم خلال 10ايام

من صدور الحكم وهى عمليا ايضا مده مفتوحه بعض الشئ اذا من الممكن احضار دليل للعذر عند

التخلف عن الاستئناف خلال الميعاد وهو عباره عن شهاده طبيه بالمرض خلال هذه المده(مالكش

دعوه انت) فاذا حضر المتهم فى الاستئناف ولم يتصالح او يأتى بما يبرؤه اصبح الحكم نهائياً

ولم يعد يمكن الطعن فيه الا بالنقض الذى لن يسعف المحكوم عليه لطول مدة نظر الطعن فى محكمة

النقض سيما وان من شروط قبول النقض شكلا ان ينفذ المتهم العقوبه المحكوم عليه بها، اما اذا لم

يحضر المتهم جلسة الاستئناف فانه يحق له ان يطعن بطريق المعارضه الاستئنافيه وهى تكون اخر

فرص الطعن العادى فان لم يتصالح او يسدد فالحكم سوف يتم تأييده ويصبح واجب النفاذ ولا يكون

له فرصه الا وقف تنفيذ الحكم عن طرق التصالح مع صاحب الدين المجنى عليه الذى يحق له اذا لم

يسدد له المتهم ماعليه من دين ان يرفع دعوى مدنيه يطالب فيها بالمبلغ والتعويض وهو امر يطول

حيث ان الجانب المدنى يستغرق وقتا طويلا .
ايصال الامانه المزور
اذا رفع احدهم جنحة ايصال امانه ضدك ولم تكن قد وقعت له او وجدت انه استخدم ايصال امانه

اخر غير الذى وقعته فيكون من حقك ان تطعن بالتزوير فتقرر المحكمه بعد ان تقوم بسداد امانة

الطعن تبدأ من 300جنيه بإحالة الدعوى للنيابه ليتم تحويلك الى الطب الشرعى الذى يبحث طعنك

ويضع تقريرا بحالة الايصال فاذا جاء التقرير ان التوقيع مزور فيتم الحكم بالبراءه وترفع النيابه من

نفسها جنحة تزوير فرعيه ويكون من حقك ان تطالب بالتعويض اذا ثبت التزوير ضد رافع جنحة

الايصال.
ملحوظه:-
كل اجراءات التقاضى والطعن فى الحكم تنطبق على كافة الجنح كما ان معظم ما ذكر ينطبق على

الشيك الا فى بعض الاحكام الخاصه بالشيك وعموما الشيك اقوى واخطر من ايصال الامانه ونعدكم

بافراد شرح للشيك لاحقا।

(هذا الشرح مبسط جدا وبعض الحالات تحتاج ردا خاصا)
والله من وراء القصد

65 comments:

عصفور المدينة said...

بص ياسيدي
أنا باكتب تعليق بس باحجز المكان
:)

عصفور المدينة said...

المفروض أن يتم تقسيم الكلام في إيصال الأمانة لقسمين
قسم من وجهة نظر الكاتب وقسم من وجهة نظر المستكتب
عشان يتضح ماهي الطرق التي يمكن أن تخدع فيها إذا أخذت وصل على أحد والحل أيضا
لو فرضنا أنا أخذت وصل أمانة على بياض على واحد وبعدين حبيت احك ضده دعوى باروح املا المبلغ والأسماء واقدمه يقوم هو يطعن انه كان على بياض وفي هذه الحالة يسقط لأن فيه بند في القانون إن كدة أكون أنا وحش (قول معايا)
وإذا كان انا بيني وبينه علاقة إيجار مثلا أو تجارة أو كذا ونجح هو أن يثبت وجود هذه العلاقة ففي هذه الحالة تسقط الصفة الجنائية عن الوصل يعني تسقط جريمة خيانة الأمانة لأنه أثبت أن هذا مجرد ضمان وأنه لم يتسلم أمانة
وفي هذه الحالة يمكن السير في القضية مدني وكما تعلم المدني بيطول
وفي حالة إنه وصل وكله تمام ممكن يطعن بالتزوير وده بيطول لحد ماياخذ موعد الطبيب الشرعي ودوخة
وأيضا إذا كان مبلغ الوصل صغير أعتقد فيه ناس بيقولوا بياخذ عم جدية يعني ممكن لا يلتفت إليه
وبعدين ممكن الأفندي اللي موقع ع الوصل يتلاعب في التوقيع
ولذلك الراجح أعتقد عدم استخدام الإيصالات من أساسه
أو التالي
يكتب وصل أمانة باسم شخص بعيد بمبلغ محدد ويملأ جميع الخانات ويكون كله بخط اليد مش من المكتبة ويختم ويبصم
بدون تعدي على حضرتك
وفيه معلومة عرفتها برضة لو مبلغ كبير تعمل شيك قديم وبعدين تعمل توثيق للتاريخ وترفع قضية
وشكرا

الدفاع said...

السلام عليكم يابش مهندس ايه ده كله انا مكنتش اتصور ان المعلومات القانونيه الخاطئه ممكن تصيب من هو مثلك
اولا الشرح اللى انا عامله مبسط مراعى فيه الاسئله العامه ومنوه فى الاخر ان كل موضوع وله رد
ثانيا لا نستطيع حصر كل ظروف توقيع ايصال الامانه وانا بعد ما كتبت بعض النصائح مسحتها خوفا من استخدامها خطأ فيضيع حقوق بعض الناس وقل ان اللى عنده استشاره ممكن يسالنى وان اجاوبه
ثالثامش كل ايصال على بياض بيضيع الحق فيه لانه لازم يثبت انه كان على بياض مش يثبت ان مكتوب بخط تانى غير خطه؟وده مختلف وان قلت ان ده عاوز شوية اجراءات تانيه اللى هى انه يقدر يثبت ان لم يتسلم المبلغ من اساسه ومن عناصر الاثبات انه يثبت انه كان على بياض وماسمهاش يسقط اسمها يحصل على البراءه
رابعافعلا لو نجح الشخص انه يثبت موضوع مدنية النزاع هيحصل على البراءه وده كويس مش وحش بس وحط نفسك مكان الطرف اللى وقع ايصال امانه للمؤجر ضمانا للاجره او خلافه تحب انك تتحبس؟ولكن لو الموضوع مستاهل ضمان اقوى واسرع يبقى شيك بنكى او ايصال امانه باسماء ناس تانيه غير اللى فى العقد المدنى
خامسا الطب الشرعى بيطول فعلا للاسف بس ممكن ترفع تعويض عن ده وهيطول برضه للاسف
سادسا نفيش حاجه اسمها عدم اهميه فى ايصال الامانه بس ممكن الحكم يبقى بسيط ولو 24ساعه
سابعا مفيش تلاعب فى التوقيع فى طب شرعى هايجيبه من قفاه والبصمه للامان انما ليست شرط
ثامنا الافضل فعلا الشيك المكتبى او ايصال امانه عادى سواء مطبوع او بخط الايد بس اللى يملاه الموقع على الايصال وبانصح بكتابة مبلغ ازيد من المستحق عليه بخط يده لدواعى الاطمئنان انه لو اطال فى الدعوى يبقى فى تعويض عن المصاريف والاتعاب
تاسعا وهى اهم ما فى الموضوع لألألألألألألألألألألألألألألألألأ الشيك القديم اتلغى وممكن بنسبه كبيره يتحكم فيه بالبراءه برغم اثبات التاريخ لان فى مبدا قانونى بيقول ان القانون الجنائى الاصلح للمتهم هو اللى ينطبق وبالتالى فالقانون الواجب التطبيق هو القانون الجديد الاصلح للمتهم حتى لو كانت الجريمه حدثت فى ظل القانون القديم طالما لم يحكم فى الدعوى بحكم نهائى حتى تارخ صدور القانون الجديد الاصلح ونصحيتى انسوا ان كان فيه حاجه اسمها شيكات مكتبيه خالص عاوز تضمن حقك عند اى حد يحرر شيكات بنكيه ولو معندوش يعمل رصيد ويحصل على دفتر شيكات ولو مش ممكن يبقى ايصال امانه محرر بخط يده وبمبلغ زياده عن اصل الدين على ان يراعى الله دائما فى اقتضاء الحقوق
والله اعلم
وشكرا لحضرتك ياباشمهندس واعتقد ان مفش حد هايلاقى اسئله تانيه عن الموضوع ده وبجد متشكر لحضرتك

الدفاع said...

استدراك فى البند ثامنا الافضل فعلا الشيك البنكى وليس المكتبى واسف للخطأ

عصفور المدينة said...

يا استاذ أسامة ركز معي الله يخليك
عايزك تبص من وجهة نظر واحد مسكين عايز يضمن حقه على واحد مفتري يلعب بالبيضة والحجر فلازم المسكين وسنسميه تجاوزا عصفور يعرف إيه المسالك اللي بيها يقدر الصياد يفلت من العقاب
وطبعا حضرتك تعلم إن الحكم لا يحكم به وينفذ في ساعتها وإن الطعن لازم ياخذ مجراه
فأنا عشان الاختصار والموضوع ده مهم لناس كثير عايزك تلخص ردك على الحالات دي أنا غلطان فيها أو بالأحرى فيها مخاطرة على صاحب المال ولا لأ سيبك من اللي كاتب على نفسه وصل ده لو هو ناوي السداد فربنا بيسدد عنه ويسر له أما العصفور هو المهم
- عصفور كتب وصل على صياد وساب المبلغ فاضي والأسماء صح ولا غلط
- عصفور كتب وصل على صياد وصياد إداله الوصل مكتوب جاهز ما كتبهوش قدامه
- صياد جاب شهود إن فيه علاقة صياد وعصفور بينهم
- عصفور كتب وصل ب 500 جنيه على صياد
- واحد صاحب عصفور سلف واحد 7000 ورفع عليه قضية الراجل فضل السجن لأنه كان ناصب على 25 غير صاحب عصفور
-موقف تنفيذ الأحكام واحتمالية تنفيذ الحكم فعلا
- ما هي الوسيلة المثلى لضمان الحقوق بخلاف الفتوات

عصفور المدينة said...

طيب خذ عندك دي كمان حصلت لي كنت ناسيها
عصفور كتب وصل على صياد باسم عصفور تاني
قام الصياد قبل ما يكشر عن أنيابه إنه مش دافع راح القسم عمل محضر إثبات حالة إنه كان هناك علاقة صياد وعصفور بينه وبين العصفور وإنه كان كاتب للعصفور وصل باسم فلان والعصفور مش راضي يديله الوصل
هاهاه ضاعت فلوسك ياصابر

عصفور المدينة said...

قلت لهم طيب ما انا ممكن اعمل الفكرة دي وانا أذكرها للحذر مش للتعليم
أعمل وصل لأسامة
وبعدين أجيب خالد أعمل معاه عقد إيجار عشة وبعدين بالاتفاق مع خالد
اروح القسم اقول خالد كان واخد علي وصل باسم اسامة ومش راضي يسلمه لي
وسألت المحامي العظيم بتاعي قال لي ممكن فعلا
وأنا حاطط دي في تعليق لوحدها عشان ممكن تحذفها

الطائر الحزين said...

انت يا باشا انت وهو
هو مين المحامى ومين الموكل
اشطة يا باشا

الدفاع said...

السلام عليكم بص ياباشمهندس قبل ما اقول ردى عاوز اقولك على حاجه مفيش حقائق مؤكده فى القانون الجنائى بمعنى ان كل شئ نسبى ممكن كل حاجه تتخيلها تحصل لان الموضوع متعلق وجودا وعدما بالاثبات وفى ايصال الامانه معظم الناس فاكره ان اللى موقع على ايصال امانه بيتحبس علشان ده دين عليه وده خطأ هو بيتحبس علشان جريمه وهى التبديد اللى نشات لما لم يقم بتوصيل المبلغ المذكور للطرف التالت يعنى اى فرض يخطر ببالك يقدر المتهم يثبت بيه انه لم يتسلم المبلغ او لم يبدده او ان الايصال صورى علشان علاقه تجاريه هيكون الحكم فيها بالبراءه وده برضه نسبى لان فى قضاه لو اتشقلبت قدامهم مش بيحكموا بالبراءه فى ايصال الامانه
ودلوقتى نحاول نرد على فروضك دى
اولا ترك مبلغ الايصال فاضى والاسماء ده مش خطأ بس خطر لان ممكن المتهم يثبت انه متسلمش المبلغ ده كله وانه مش بخط ايده وباتنين شهود يقدر يثبت ان الكلام اللى مكتوب فى الايصال لم يحدث
ثانيا لازم الوصل يتم تحريره امامك لدواعى الامان لانه ممكن يكون بيخطط للطعن بالتزوير ودى حصلت كتير ومش مفروض تقع فيها
ثالثا لو الصياد قدر يثبت العلاقه دى اليصال هاياخد براءه بس لازم كمان يثبت ان الايصال ده ناشئ عن العلاقه دى يعنى كلامه ممكن نعرف نرد عليه
رابعا ايصال امانه ب500جنيه هاياخد حكم مخفف احتمال اسبوعين على الارجح وممكن شهر بس مش اكتر من كده وانت اللى هاتصرف على القضيه وهاتدفع اتعاب المحامى من جيبك علشان المتهم هايرميلك ال500جنيه فى المحكمه ويمشى
خامسا المتهم اللى بيتحبس ده باختصار ايدك منه والقبر المفروض صاحب عصفور يخرجه من السجن ويمضيه على ايصال تانى اما الاجراءات المدنيه من تعويض ومضالبه بالمبلغ فهى طويله وعمليا مش هايقدر ياخد فلوسه لانم الصياد المحبوس محيلتوش حاجه نحجز عليها
ثامنا موضوع تنفيذ الاحكام ده انا حاسس انك مش فاهمه تقريبا انت قصدك بتنفيذ الحكم ان الراجل يدفع الفلوس صح؟تنفيذ الاحكام هنا معناه ان شرطة التنفيذ تجيب الراجل يعارض ويستأنف ثم تقبض عليه فى الاخر لما الحكم يبقى نهائى ودى عادة بتكون نايمه فى العسل بس ممكن تتحرك بالفلوس مره وبالشكوى مره تانيه ده لو المتهم لو محل اقامه معلوم والا فمفيش حد هايعرف يقبض عليه الا لو انت اللى راقبته وعرقت عنوانه اما موضوع انك تخليه يدفع فده اما انه يجى عن طريق انه خلاص هايتحبس او الطريق الطويــــــــــــــــــل المدنى
طيب نعمل ايه؟؟؟؟؟؟؟؟؟؟؟
اولا نحاول يكون تعاملنا بشيكات بنكيه وده سهل جدا العصفور يقول للصياد انا مش هاتعامل معاك الا بشيكات بنكيه
ثانيا نحاول يكون عندنا معلومات عن الراجل اللى بنتعامل معاه مش كل واحد نديله بضاعه بايصالات
ثالثا لو مفيش مفر من ايصال الامانه يبقى يكتب على نفسه عدد من الايصالات بخط ايده كلها وياريت ميكونش فى حد معاه علشان ميبقاش فى شهود
طبعا الخطر عمره ماهيزول فى شويه بتتبقى لما القضيه تترفع ودى بيحاول فيها المحامى بس لازم تعمل اللى عليك من ناحية الاحتياطات الاوليه الى انا قلت عليها دى

الدفاع said...

انا كمان هارد فى تعليق لوحده احتراما للفكره الشيطانيه دى انا مكنتش متصور انها ممكن تيجى فى مخ حد تانى فعلا الفكره ممكن تعرض الايصال للخطر بس لو حصلت المحامى مش هايقف ساكت ممكن يتصرف بس ارجع واقولك مفيش حقائق الامور نسبيه وكل حاله ولها الرد المناسب بتاعها
ماهى الطريقى المثلى لضمان الحقوق ؟؟؟؟؟؟؟؟؟؟؟
الاجابه وبمنتهى الاسى
لا يوجد طريقه مثلى انما توجد طرق فيها اخطار لسه واحد فاضل سالنى السؤال ده لانه عامل مشروع قرض حسن لإغناء الفقير وللاسف لم نجد طريقه مثلى ليس فيها مخاطر وفى الاخر استقرينا على ايصالات امانه وكان فى مستشارين فكروا معايا ووصلنا كلنا لنتيجه واحده انه لازم يتبقى شئ فيه هامش خطوره
وبالنسبه لمحضر اثبات الحاله اللى بتعمل بعد تارخ الشكوى بالايصال بيكون ضعيف واى محضر قابل للرد عليه الموضوع مش اتوماتيك
وفى النهايه متشكر ليك جدا وعاوز اقول نصيحه ياريت دايما نبعد غعن الاسئله العامه لان الجابه هايكون فيها لو كتير والافضل ان كل واحد يسأل عن الحاله اللى هو فيها يعنى يقول حصل كذا وكذا ايه الحل كده هايكون الرد واضح اكتر وعذرا على الاطاله وشكرا لحضرتك

الدفاع said...

معالى الطائر الحزين الباشمهندس طبعا هو المحامى الراجل شكله من كتر مشاكله مع ايصال الامانه بقى محامى تخصص ايصال امانه وبعدين هاتولكوا محامى كويس يتعامل هو ويمضى الناس بمعرفته وادوله فلوس كتير بدل مايتفق مع الناس عليكوا. مش كده ولا ايه؟

aRTofLiFe said...

سيدى مدون مدونة الدفاع بعد التحية والشكر

لدى إستفسارات بخصوص الشيكات البنكية المسطرة التى حسابها مغلق منذ زمن بعيد

الموضوع بإختصار أنى محامى نقابى ولكن غير ممارس ولا معرفة لى بالموضوع مثار السؤال ولى على أحدهم شيكات بفئة مالية قليلة بعضها مضى تاريخ إستحقاق صرفه وبعضها لم يحن بعد

وقمت بعمل محضرين فى القسم لكل محضر ثلاث شيكات غير الثلاثة شيكات الأخرى ولكن تم عمل المحضرين بطريقتين مختلفتين

فالأول تم على كونى محامى وكان المحضر عبارة عن نسخة مصورة جاهزة لدة القائم بعمل المحضر

وأما الثانى فتم على كونى صاحب الحق وأرفق به ورقتان طلب بحث عن محكوم عليه - بيانات تملأ بمعرفة جهة الشرطة وبها بيانات الخصم

وما أود معرفته
أولا - أيهما أفضل
ثانيا - ما يتوجب على فعله للمتابعة وأتمنى بالتفاصيل إن أمكن
ثالثا - خصمى غير منطقة تواجده بمنطقة أخرى خارج نطاق دائرة القسم فإن عثرت على عنوانه كيف أتأكد من إتمام ضبطه
رابعا - بالنسبة للشيكات التى لم يحن تاريخ صرفها . هل طالما الحساب إتضح أنه مغلق منذ ما قبل كتابة الشيكات يعد ميعاد صرفها حال ويمكننى رفعها أم على الإنتظار حتى يحين ميعاد الصرف

ولك جزيل الشكر والإمتنان وجزاك الله كل خير عما تقدمه من مساعدة وخيرة
وشكرا مرة ثالثة

aRTofLiFe said...

معذرة . وهل تلك تعد واقعة نصب لعلم صاحب الشيكات قبل كتابتها بأن الحساب مغلق . وشكرا

Anonymous said...

أنا احيك الى هذا الشرح المبسط

يعني ألحارمي ممكن يتفرج على المنصوب علية وهو بجري ورى فلوسه كم سنة عن طريق المحاكم و الأخر يخد :)

اه يابلد

Anonymous said...

السلام عليكم ربنا يجازيك خير يا أخي والله شرحك في منتهى الجمال
وربنا يستر للراجل إللي أنا كاتبلة وصولات أمانة ميجيش يشتكيني عندك وإلا كدة ممكن أقضي بقية حياتي في السجن
المهم يا ترى ممكن الواحد يبقى يسألك في أى حاجة خاصة بالقانون والقضايا لاني لسه محامي مبتدأ؟
على فكرة أنا ديما هعلق عندك لاني أعجبت جدا بإسلوبك ويتهيألي كدة هنتفق
على فكرة ديما هوقع عندك بإسم الصوت الساخر
والسلام عليكم ورحمة الله

Anonymous said...

يا محاسن الصدف وبرضه صادق ألي قال مصر الحي يتقابل

mhmdaw said...

سمعت خبرا من يومين ان النائب العام أصدر توجيهاته بأن يعتبر ايصال الامانة أداة لحفظ الحق أولا،ولا يجرم كاتبه بالضرورة إلا إذا ثبت أنه كان فعلا إيصال أمانة. وأن قراره هذا جاء فى جريدة المساء منذ عدة أيام فقط.
فما مدى صحة ذلك وهل سمعه أحد غيرى؟

M.Hassan said...

الأٍستاذ الفاضل ..
أنا موظف في شركة وكيل لشركة إتصالات .. أعمل بها منذ شهر نوفمبر 2008 وفي بداية عملي عملت كمندوب بيع .. ومن متطلبات التعيين إني أمضي على وصل على بياض .. وأكيد لإني محتاج الوظيفة .. وده لإني متزوج وربنا كرمني بيوسف .. 8 أشهر الآن .. فوافقت واستبشرت بأصحاب الشركة الخير . لإن من بينهم شيخ .. عادي .. المهم .. بعد شهر من تعييني كمندوب بيع .. طلبوا مني لخبرتي في التعامل مع الكمبيوتر بحكم دراستي وعملي السابق .. إني أستلم المخزن من البنات اللي شغالين لإنهم قرروا إنهم يمشوا .. ومفيش حد متوفر فيه نفس قدراتي وخبراتي .. بحكم السيرة الذاتية لدى الشركة .. وإن ده حيكون أحسنلي لإني حكون جنب مراتي وابني أحسن من السفر والبهدلة .. ومخاطر الطريق . وهكذا .. فأكيد وافقت .. وبدأت عملي الجديد كأمين مخزن يوم 16 ديسمبر يعني بعد شهر ونص كمندوب .. المهم .. في نص الشهر للي انا اشتغلته كأمين مخزن .. ولإني لسه المفروض إني بتدرب .. أخطأت في مهام وظيفتي .. لإني بتعلم .. ولكني حصلت على جزاء بواقع مرتب شهر .. 500 جنيه !!!! ..
المهم .. سلمت أمري لله .. وقلت مش مهم الشهر ده .. انا برضه غلطت .. وعلى الأقل الشهر اللي جاي حايكون أحسن لإني اتعلمت ..
في شهر فبراير .. أخدوني لفرع شركة إتصالات في القاهرة .. لأقوم بالتدريب على برنامج معين لوظيفتي .. وهناك قابلت اللي شغاليين في نفس وظيفتي في الشركات التانية المنافسة .. فوجئت إن شركتنا الوحيدة اللي فيها باك أوفيس واحد .. وإن أقل شركة فيها 3 باك أوفيس .. فقلت مش مهم .. وبكلامي مع واحد منهم .. فوجئت إن مرتب الواحد 1000 جنيه .. !!!

ولما رجعت من القاهرة اتكلمت مع أحد الشركاء وهو مديري .. فقالي إنهم لسه بدأين وإن مرتبي حيزيد لما يفتحوا الفرع الجديد في الشرقية ..

في نص شهر فبراير بدأ الفرع الجديد .. وفي البداية طلبوا مننا(انا والمحاسب) إننا نروح الفرع يومين في الأسبوع لغاية ما يجيبوا عمالة هناك ..

فكنا بنروح معاهم في العربيات عادي . وفي شهر مارس .. جابوا محاسب ومجابوش باك أوفيس .. ولما سألتهم قالولي إني حاروح هناك يومين في الأسبوع .. !!

المهم كلمتهم على المرتب قالولي حازيد وحيرحوني .. بدأت أروح الفرع .. وفي نفس الشهر جابوا خطوط جديدة .. ولإني ملتزم بعمل عقود للخطوط اللي تيجي .. وده شيء غير قانوني بالمرة .. بس كنت ساعتها معرفش ..فكانوا بيجيبولي الشغل على البيت يوم الأربع .. وأفضل شغال من الأربع الصبح متواصل .. بدون نوم .. وتحت إشرافهم .. وكانوا بيتابعوني من وقت للتاني .. لغاية ما أسلمهم الشغل والعقود جاهزة يوم الأحد الصبح .. والمقابل إني أريح يوم الأحد في البيت وأرجع الشغل يوم الإثنين ..

وكان شهر ثلاثة كل أسبوع فيه طليبة يعني كل أسبوع في سهراية .. فقلت تمام .. انا كده أشتغلت تقريبا كل أسبوع مش أقل من أربع خمس أيام زيادة غير يوم الجمعة صبح وليل .. يعني حايكون فيه زيادة محترمة في المرتب ..

المهم .. حصلت مشلكة بين أحد المناديب في فرع الشرقية وبين أحد العملاء .. بسبب أحد الخطوط .. تقريبا في نص الشهر .. المهم طلبوا مني إني أتدخل لحلها .. ولما أستأذنتهم لإني مشغول في العقود .. وطلبت يصبروا العميل أو حتى يحاولوا هما .. رفضوا بعنف شديد .. وصمموا إني أنا اللي أخلص المشكلة .. وفعلا اخدوني من بيتي بدون نوم .. للفرع .. وعملنا إجتماعات مع المندوب .. ومعايا .. للنظر في الملابسات .. وجت عقود تانية .. وفي ظلها كنت بتكلم معاهم ونحاول نوصل لحل .. المهم تسببوا في تأخيري عن مهام وظيفتي الأصلية .. وبدل ما أدخل في البرنامج اللي انا اتدربت عليه في القاهرة 2000 عقد ادخلت 1000 عقد .. ودخلت معاهم في مشكلة المندوب وتم حلها على خير وباقي المشاكل في 15 أبريل ..

M.Hassan said...

ومن ثم .. بدأت أراجع شغلي بقى .. الل هم أصلا مش بيسألوني عليه .. فلاقيت إن فيه 1000 عقد مدخلوش على السيستم .. فأكيد دخلتهم .. في يوم 28 أبريل ..

في الشهر ده .. حصل إن الشركة اتسرق منها مبلغ 21000 جنيه .. من درج المحاسب .. ولما جينا تاني يوم واكتشفنا السرقة .. قلبنا الشركة كلها - الشركة عبارة عن شقة من غرفتين وصالة ومطبخ وحمام في عمارة سكنية وغير مؤمنة بالمرة - المهم ملقيناش الفلوس .. وبسؤالي أنا والمحاسب أقرينا إننا من ساعتع مدخلنا الشركة والشركة عادي مفيش باب مكسور ولا شباك مفتوح ولا أي دليل على العنف .. وطلبنا إن البوليس ييجي ويفتش ..

ونزلوا فعلا يبلغوا .. لاقيناهم طالعين وبيقولوا إنهم بلغوا ولو حد ناسي فين الفلوس ومش عارف إيه .. المهم .. احنا فضلنا مستنين البوليس .. قاموا قالوا إن البوليس لو دخل علينا بيتنا حيكون شكلها وحش .. وهم مش عاوزين كده .. وطلبوا إنهم يدخلوا بيوتنا ويفتشوا من غير ما حد يحس .. وأكيد لإننا شباب ومش بنفهم في القانون وفي وسط مشكلة وعاوزين نحلها وافقنا .. زفعلا واحد منهم جه مكتبي وفتش .. وأخدته بيتي وفتش .. ورجعنا الشركة تاني علشان نقابل الباقيين .. وهناك عرفنا إن مفيش حد عنه حاجة ..

فقالولي إنهم اتكلموا مع حسين واقنعوه إنه حتى لو مش اللي سرق حيلبسها وحيتحبس ومستقبله حيضيع .. وعرضوا علينا إن الفلوس تتقسم علي أنا وحسين وواحد من الشركا ومحاسب الزقازيق (صاحبهم) أحسن ما نبلغ ونحافظ على حسين المحاسب .. فوافقنا .. وأكيد مقرناش نفتح بقنا على الزيادة في المرتب .. المهم .. عدى شهر واتنين .. ومرتباتنا زي ما هي .. فطلبت منهم إني مش حسافر الفرع التاني بدون زيادة في مرتبي .. لإني بقوم بجهد أكتر في السفر .. وده اللي عرفته بعد كده حقي القانوني .. المهم لاقيت منهم معارضة .. وبعدين لاقيتهم بقولوا ربنا يسهل .. لما الأمور تتحرك شوية .. وفيه منتج جديد داخي ومش داخل .. المهم .. جم في شهر يوليو ده في نصه كده .. ولاقيتهم بيسألوني .. هو انت مدخل في شهر مارس كام عقد ,.. فقلتلهم 2000 عقد .. فقالولي ودخلت في البرنامج 2000 ؟ فراجعت دفاتري وملفاتي . وقلتلهم لا .. وحكيتلهم إيه اللي حصل منهم .. وإنه اتسبب في تاخيري لغاية شهر أبريل ,.. لاقيتهم بيقولولي .. إن الموضوع ده .. اتسبب في غرامة للشركة بمبلغ 24000 جنيه ولإن ده بسببي انا فأنا مطالب بسداد المبلغ كله وإلأا يرفعوا إيصال الأمانة ...

أكيد صعقت . وفضلت أقولهم انتوا ومش أنتوا .. وهم كل اللي بيقولوه .. لا .. ده شغلك والمفروض إنك مش تعمل حاجة قبل ما تخلص شغلك .. ومبيردوش عليه ..

المهم لابسوني المبلغ كله .. وانا حاولت أكلمهم .. المهم وصلت لنتيجة إني أخرت الميعاد من يوم 10 أغسطس ليوم 10 سبتمبر لحين تدبير المبلغ ..

وانا أصلا مستحيل أقدر أدبر بلغ زي ده .. لإني مليش مصدر دخل غير شغلي ده ..

فأرجوا الإفادة .. لإني حسيت من كلامك في الموضوع بنوع من بصيص الأمل ..

Anonymous said...

www.sherif_2033@yahoo.com

Anonymous said...

www.sherif_2033@yahoo.com

Unknown said...

السلام عليكم ...... اجبر ابنى على توقيع وصل امانة على بياض و تمت سرقة بطاقتة و هو يبلغ من العمر 17 سنة و تم عمل محضر فى القسم واستخراج بطاقة بدل فاقد اريد ان اعرف هل هناك خطر علية فى هذه الحالة

Unknown said...

السلام عليكم، لى مبلغ عند شخص و مكتبه ايصال امانة، انا محامى ابتدائى و لكنى لم اقم برفع ايصال الامانة من قبل، انتويت رفعة جنحة غير مباشرة، فهل يجب رفعه فى محل سكنه؟ و هل قضية خيانة الامانة تتحرك بدون فعل منى للمحكمة؟اى ان النيابة هى التى تحركها ام اننى يجب على عمل عريضة دعوى ؟ لكم جزيل الشكر، ملحوظة : الايصال مكتوب بخطى و الاسم و الامضاء بخط المدين، و المبلغ مفقط ارقام و حروف.

Anonymous said...

السلام عليكم ورحمة الله وبركاته

ارجو الافادة من حضرتك بخصوص وصل امانة بمبلغ من المال تم التوقيع عليه من احد التجار

دون فيه رقم بطاقته القومية و قيمة المبلغ وخلافه وكله بخط يده لكن لم يدون فيه اسم الذى سلمه المال وهو الطرف الاول ولا اسم الذى سيتم تسليمه المال وهو الطرف الثالث هل يبطل اذا تم تدوينهم بعدها بوقت لاحق ؟؟؟ أرجو الافادة وشكرا جزيلا جدا جدا

Anonymous said...

السلام عليكم
ارجو الافادة كان بينى وبين احد اصدقائى عمل بدون كتابة اى عقود او اى اوراق ومن ثم فكرنا ان نرخص منتجا من وزارة الصحة فاتفقنا على ان كل واحد يدفع جزء بعد ان علمنا ان ترخيص المنتج سيتكلف 75000 فاعطى لى مبلغ 13400 واخذ بهم ايصال امانة ثم كتبت له اقرار وجعلته يوقع علية صيغة الاقرار كانت كالتالى اقر انا السيد ......... المقيم ................ انى تسلمت ايصال امانة بملغ 14300 من السيد .......... المقيم ............. وذلك على سبيل الشراكة فى مستحضر ......... واتعهد بدفع باقى القيمة عند ترخيص المستحضر من وزارة الصحة وكتابة العقد وعند كتابة العقد يصبح الايصال لاغى و ان خالفت ذلك اتعهد بدفع مبلغ 10000 كشرط جزائى
المقر بما فية
التوقيع
وكانت كل الصيغة مكتوبة بخط يدى ماعدا اسمة فى اعلى الاقرار واسمة فى اسفل الاقرار وتوقيعة وبعدها حدثت بيننا مشكلة فوجئت بأنة اشتكى بايصال الامانة قبل ان نبدأ ايجراءات الترخيص مع العلم انى قد كتبت المبلغ بخط يدى فى الايصال واسمى والتوقيع وهو كتب اسمة كمسلم واسم اخية كمرسل اليه بخط يده
ما وضعى فى هذة القضية وماذا افعل

الدفاع said...

Anonymous
اتمنى يكون ردى هايوصلك انا اسف ع عدم الرد فى حينه
المهم الاقرار اللى فى ايدك اداه ممتازه فى الدفاع فى قضية الايصال عليك بتسليمه للمحامى للمرافعه واثبات تجارية العلاقه فيما بينكما وان شاء الله يقضى لك بالبراءه

Unknown said...

السلام عليكم
ارجو المساعدة اخى الصغير كان يعمل فى احدى المحلات وقام صاحب المحل بجعله يمضى على دفتر وصلات واشتغل ضغر سنه حيث كان عمره 17سنة وبعد علمى جعلتها يترك المحل وحولت ان اخك الوصولات ولكنها رفض وقال انها هذه الوصولات فقط لامانة وسالت احد المحامى قال ان هذا الوصولات ليس لهاقيمة حيث ان اخى ضغير السنة ولكن بعد بلوغ اخى 20سنة وجد هذا الشخص يقوم بتهديد اخى ويطلب منى مبالغ ماليه لحصول على هذا الوصلات
ارجو المساعدة

Adnan EL Gendy said...

السلام عليكم أخـــــواني في اللــــه
الحقيقة يوجد لدي مشكلة وهي أنني قررت السفر إلى إحدى الدول العربية و قبل سفري , لم يكن يوجد معي المبلغ الكافي لثمن التأشيرة (والتي كنت قد أشتريتها بثلاثة أضعاف ثمنها كما علمت بعد سفري إلى تلك الدولة) _ المهم _ أنني سألت المندوب الذي باع لي التأشيرة أن يعطيها لي بثمن أقل من ثمنها بـ 3500 جنية مصري ، على أن أسددهم له بعد الوصول والعمل هناك ولكنه حتى يضمن استلام المبلغ قام بتوقيعي وبصمي على شيك وقدّره وقتها بـ 5000 جنيه من اصل 3500 جنيه فقط المطلوب سدادهم من ناحيتي .، أما بالنسبة للتأشيرة التي سافرت بها فكان هناك اتفاق بان العمل سيكون حر ولا التزم بالعمل لدى الكفيل بتلك الدولة ، ولكنني حين الوصول هنا بالبلد التي أعمل بها حاليا صادفني الكفيل مباشرة وفي اول لقاء به معي قائلا " انا لا ادع احد يعمل حرا بالبلد ولكني اشترط عليك ان تنقل كفالتك في مدة اقصاها 3 شهور " وكنت وقتها جديد بالبلد ولا اعرف حتى أي قانون يسمح لي بان اعمل ما يريده الكفيل او لا يسمح لي ع العموم انا قبلت التحدي ومواجهة الصعاب هنا وقدمت عن طريق الانترنت طلبات واعلانات اطلب فيها نقل كفالتي لاي شخص حتى مرت الاشهر الثلاثة بل الاربعة والخمسة الى سابع شهر والذي وفقني الله ان انقل الكفالة على شخص آخر وكانت عن طريق الانترنت حيث كلفتني مبلغ 2000 من عملة الدولة التي اعمل بها بالاضافة الى مبلغ 800 من نفس العملة أي ما يقارب 5000 جنيه مصري ..، وحينها قمت بالاتصال بالشخص المندوب الذي باع لي التأشيرة في مصر والذي يوجد لديه الشيك الذي قمت بالتوقيع عليه المقدر من ناحيته بـ 5000 جنيه ووضحت له اننا في الاتفلق المبرم بيننا لم يكن هناك نقل كفالة ..، وان مصاريف نقل الكفالة لابد ان يتحملها هو عقابا له على عدم الاهتمام من ناحيته بتأكيده على التأشيرة منذ اصدارها من مصر .. حيث افادني بالنهاية ان طلب مني ان انقل الكفالة وسوف يطلب مني فقط مبلغ 1500 جنيه مصري عوضا عن تلك المشقة التي وقعت فيها بسببه .. حتى انه قال لي انه سيتكفل عقابا له بتحمل تكلفة المبلغ الباقي من اصل 3500 جنيه وهو 2000 جنيه مصري .. وافادني بانه سيعطي لي مدى طويل حسب تحسن الحالة المادية لي حتي اسددهم له ،،، وبالطبع اطمئن تفكيري لكلامه .. ففوجئت به منذ اسبوع تقريبا قد رفع شكوى ضدي مفادها انني مدين له بمبلغ 5000 جنيه مصري وقد قدمها للنيابة حيث ارسلوا احد المحضرين يطلبني للنيابة من بيتي .. وانا بالحقيقة هنا بالدولة التي اعمل بها حاليا ... فما الموقف القانوني لي حاليا أفيدوني أفادكم المولى عز وجل ...
حيث أنني لي ما يقارب العام والثمانية اشهر بالدولة الحالية ...!!
مع العلم انني من وقت كلامي معه قبل السفر وحتى توقيع الشيك وان كل شئ انا قد قمت بتسجيله عن طريق جوالي وحفظته معي للرجوع اليه وقت الحاجةوها هي وقت الحاجة" في اعتقادي المتواضع " ...
فما هو الموقف القانوني والموقف الجنائي .. وهل هذه تعتير جنح او جنايات .. وهل لو ما صدر حكم ضدي بموجب الشيك ذلك هل له مده ويسقط ام لا يسقط الحكم ان كان من هذه الاحكام ..
انا تفكيري مشتت ...............
أفييييييييييييييييدوووووووني أفادكم الله ..
ده حسابي ع الفيس والياهوو
Adnan221084@yahoo.com

ابو سفيان said...

احد الاصدقاء كان يشتري قطعه ارض وكان الشرط الجزائي 20000 عشرون الف جنيه فأخذ البائع ايصال امانه منه علي بياض موقع منه في وجود شهود ولما حل ميعاد المبلغ قام برفع الايصال بمبلغ مئتان وخمسون الف جنيه بعد اقام بملأ الايصال بخط غير خطه واصر علي المئتان وخمسسون الف جنيه ل

Unknown said...

انا كنت شغال في شركه محاسب مشتريات والشركه اللي انا فيها دي كنا عايزين ناجر معده من شركه معدات وروحت انا ممثل الشركه للتاجير المعده وعملت عقد ايجار مرفق بيه اقرار ومضيت القرار بس كان فاضي واخدنا المعده ومشينا وخلصنا بيها شغلنا ورجعناها بس كان فيها مشكله ان البويه بتاعتها وقع عليها بياض فالراجل صاحبها قالك انا حستلمها بس تدهنوهالي الشركه عندنا قالت ماشي والراجل مسلمناش العقد والاقرار غير لما يحصل ده فانا صورت العقد والاقرار ده وبعد شهر انا مشيت من الشغل ده وخخليت صاحب الشركه اللي انا كنت فيها دي يمضيلي اخلاء طرف على العقد ده واخدتها معايا فوجأت بعد مرور ٦شهور ان في محضر جايلي على البيت انا انا موقع على ايصال باني اخدت مبلغ ٨٥الف جنيه لتوصيلها لفلان وان انا اخدت الفلوس وموصلتهاش قلاقي انا الاقرار اللي انا كنت ماضي عليه على بياض بتاع العقد مكتوب فيه كده كلمت صاحب الشركه اللي كنت فيها بيتهرب مني روحت للراجل بتاع المعدات اللي عامل المحضر قالي ماليش فيه انا مش عارف اعمل ايه حد يفيدني في الموضوع ده ياريت

Unknown said...

أجبرتني زوجتي بكتابة إيصال امانه لصالحها بمبلغ 50000 و ذلك لضمانها ان اسدد اخر قسط في شقتها و سافرت بعدها خارج البلاد. و ذلك منذ عام 2011 و بعد سفرها ب 5 أشهر طلبت مني إيداع المبلغ ف حسابها البنكي و ذلك لعدم التزام البائع ف التسليم في الميعاد المحدد... فاودعت لها المبلغ في حسابها و معي إيصال بذلك و انقطع الاتصال بها تماما إلى وقتنا هذا و قد علمت أنها لن ترجع مرة أخري .. و لكني فوجئت بحكم محكمه ضدي صدر غيابيا من شهر يونيه 2013 و لم أعلم به إلا من ثلاثة أيام .. كيف أثبت في المعارضه أنها استلمت النقود و أن أدعائها كاذب ؟! و لكم جزيل الشكر

salama said...

اشتريت قطعة ارض من رجل ودفعت لة نصف الثمن واتفقت معاة النصف الاخر بعد ستة شهور واخد عليا وصل امانة بباقى المبلغ وكنت بتاجر واتنصب عليا فى كل مااملك ولم يعد بامكانى التسديد ماذا افعل والراجل مصصم انى يشتكى مع العلم انى لم اخذ منة اى اموال

Unknown said...

الله

Unknown said...

هل يجوز عمل معارضه استءنافيه في حكم البراءه من قبل المجني عليه

Unknown said...

الإيصال بدون بصمة قانونياً

Unknown said...

انا اقع فى مثل هذه المشكلة وارجواا الرد انا ابلغ من العمر 17 عام ايضاا واجبرت على التوقيع على بياض

xman said...

استاجرت محل ووقعت على وصل امانه بقيمه المحل وتم عمل عقد بيني وبين صاحب المحل لمدة عام وانتهى العقد بعد المده المحددة وهناك بند إضافي في العقد ينص على تسليم الوصل لي عند تسليم المحل ولكني استمريت في المحل بعد كده سنتين بدون عقد أثناء المده باع المحل لشخص آخر هو حماه وبعد هذه المده نويت أصفى واسلم المحل اتفجئت أن زوجته تريد رفع وصل الأمانه بسبب خلاف على فلوس كهرباء على المحل متركمه من قبلي فما الحل

xman said...

استاجرت محل ووقعت على وصل امانه بقيمه المحل وتم عمل عقد بيني وبين صاحب المحل لمدة عام وانتهى العقد بعد المده المحددة وهناك بند إضافي في العقد ينص على تسليم الوصل لي عند تسليم المحل ولكني استمريت في المحل بعد كده سنتين بدون عقد أثناء المده باع المحل لشخص آخر هو حماه وبعد هذه المده نويت أصفى واسلم المحل اتفجئت أن زوجته تريد رفع وصل الأمانه بسبب خلاف على فلوس كهرباء على المحل متركمه من قبلي فما الحل

Unknown said...

لو اترفع عليا وصل امانة وبعدين اتصالحت واخدت اصل الوصل لكن مش عاوزين يتانزلوا لية والايصال مرفوعة بالصورة ما العمل وما هى الدفوع

الجاسر said...

حضرتك طليق اختى زورأيصال امانه على اختى باسم خاله اللى ساكن فى محافظه اخره وخله محامى يعمل محضر بلايصال وخد حكم وعرفنا بالصدفه وعملنا نقض ما الاجراءات التى اتخذها لاسبات التزوير وعدم سجن اختى حيث انها لم تقم باى امضاء على اى ايصال وبحيث انه لا يعمل معنا هذا مره اخره وشكرا

Unknown said...

بإذن الله مع وجود المحضر تذهب لمحامي لاستخراج صوره رسميه منه والاستعانه به كوسيله للدفاع باذن الله تبرأ نجلك

Unknown said...

لابد من تحرير محضر بالواقعه والاستعانه بشهود

Anonymous said...

حدثت لي الحالة الثانية (ايصال مزور) حيث قام شخص لا اعرفه اطلاقا برفع 4 قضايا ايصالات آمانه اثنين في مكان غير تابع لسكني واثنين في محل سكني .. وقام المحامي بأجراءات الطعن ، ولكن اريد ان اعرف كيف ستسير الأمور لأن الموضوع غير منطقي ان يسلمني شخص ( لا اعرفه) مبلغ من المال فأقوم بتبديده فيسلمني غيره لأبدده ايضا وهكذا اربع مرات !!! علاوة على انه قام ايضا برفع دعوى أخرى على زوجتى !!! هل يساعد هذا في ايضاح كيديه الاتهام ؟؟؟ او كما يقول المحامي انه لا يوجد شئ اهم من اثبات عدم كتابه الايصال من الاساس ، علما انها ايصالات من المكتبة وليست بخط اليد ، والحقيقه بمبالغ كبيرة جدا ومزعجة ....وشكراا

Unknown said...

لو سمحتم محتاج استشاره قانونيه عاجله

انا من مصر و كنت بدور على شقه و قام احد الاشخاص بالعرض عليا لشراء شقته الايجار بسعر مغرى لعدم استغلاله لها والتى سيتملكها من صاحب العقار ولكنه لا يملك المال الكافى لتملك شقته الايجار

فطلب منى منحه جزء من المبلغ حتى يسدد ثمن الشقه ويمتلكها ومن ثم يبيعها لى

فكيف لى ان احفظ حقى فى المال الذى سامنحه له من ناحيه ؟؟؟ .... واضمن بيعه الشقه لى من ناحيه اخرى حتى لا يطمع بعد تملكه ويبيعها لشخص اخر ؟​

Unknown said...

نا كنت مشتري شقة واثناء شراء الشقة من المقاول ماكنش لسة ركب عدادت الكهرباء الخاص بشقة وقالي بعد ست اشهر انا بعمل استكمال للادوار التانية وهركبلك العداد بقالي حوالي 3 سنوات مشتري الشقة ومتجوز وقاعد في الشقة كنت واخد الشقة بتقسيط وبعد ما اخدت الشقة بفترة اتصل بيا وكان بيسالني هل الوصلات الامانة وكدة يعني ضاعت منة هو الشخص دة زميل ولدي في الشغل يعني معرفة رحت ادفع اول قسط يروح كاتبلي ورقة انة استلم الفلوس عن قسط المتفق علية وعليها كذا مرة انا دلوقتي هو عايز مني مبلغ وانا مش عايز اديلة الفلوس غير لما يركب العداد وفي نفس الخايف انة يكون شخص غير امين ويكون مع الوصلات الامانة الي انا دفعتها بس هو مديني ورق انة وصلة مني مبلغ معين وباقي مبلغ جة وقت القسط لاقيتة بيتصل بيا بيطالبني بلاقساط قولتلة ركب العدادات والحجات المتفق عليها وخد فلوسك قامي مهدبدني باخد الشقة مني وكلام دة اخت بعضي وروحت علي النيابة وقدمت طلب لرئيس النيابة وحكيت كل الي حصل معيا من المقاول من تهديد اني بحفظ حقي في الشقة وان المقاول بديلة فلوسة بس مكنتش باخد الوصل بس كان بيكتب ورقة موقع ادنا استلمت انا الفلان الفولاني مبلغ وقدرة كذا عن قسط شقة ويمضي بأسمة وكان المقاول دة كاتب معيا عقد اتفاق انة هو الي بايع الشقة دة كان عقد اول لما لرحت اشتري الشقة بعد كدة لما اخد باقي المقدم كتب العقد باسم الكحول صورت كل دة وارفقتة مع الطلب الي كتابتة في النيابة ومن صور عقد الاتفاق والعقد الابتددائي والورق الي بيثبت انة واخد فلوسة واني لم اخذ وصلات الامانة وتم تحويلة علي القسم وعمل محضر بكل هذا بالفعل تم عمل المحضر في القسم وتم اعطائي رقم المحضر بس لم اكتب في المحضر عنوان المقاول او رقم تلفونة لعدم معرفتي بيهم اهل هذا صحيح ام لا ارجو الافادة

Unknown said...

رفعت إيصال امانه على شخص كان ليا مبلغ عنده وبعدها كان هذا الشخص ب التزوير ما الذى سيتم بعد هذا الطعن

Unknown said...

اناكونت ماضي ايصال امانه علي بيض علشان قاعده ترفيه وقام المرجح اعطاء ايصال الامانه الي الطرف الاال دون علمي وقام ب بيع الايصال الي آخرين وقامو ب املاء الايصال بااسماء ناس آخرين وقامو برفع دعوى خيانة امانه عليه فماذا افعل

Unknown said...

السلام عليكم حفظكم الله نشتي صيغة رفع دعوى امام التيابه ضد شخص خان الامانه قمت بإعطائه مبلغ من المال وهو عامل عندي عشان يوصله لمجموعة تجار ولا كنه لم يوصل المال وانا عندي اثباتات مصرفيه لي ادانته

Unknown said...

السلامو عليكم ورحمة الله وبركاته انا بعمل لدي شركات السياحه حج وعمره فكل شركه بعد تسليم التأشيرات بتمضينا علي إيصال امانه بسبب المعتمريين اللي بيهربو مضيت علي إيصال امانه علي بياض مضيت وبصمت ومعنديش معتمر هرب فوجئت بعد شهر انو ملي الايصال بأسم نسيبه وانا معرفش نسيبه ولا عمري اتعامل معاه لو طعنت في صلب الايصال اخد براءه

Unknown said...

السلام عليكم عايز اعرف موقف وصل امانه لقاعده عرفيه هل ياخذ مسار وصل استلام المال

محمد الفلسطيني said...

السلام عليكم
انا ليا عند واحد فلوس ومعايا وصل امامة عليه
هل لو تم الحكم عليه بتروح الفلوس بتاعتي

couponcode said...

يمكنكم الاستمتع معنا مع افضل الخصومات العالمية التى نقدمة الان فى اقل وزقت ممكن حيث اننا نعمل على تقدم افضل متجر جولي شيك التى نقد\مة الان وباقل الاسعار الرائعة التى لا مثيل لها الان حيث تاننا نعمل على تقدم افضل العروض من شي ان للتسوق التى تقدمة الشركة الان وباقل الاسعار الرائعة من موقع تجول لحجز الطيران الان فى اقل وقت ممكن وباقل الاسعار الرائعة

couponcode said...

يقدم نون كوم خصومات من 5 الي 10 % علي كل القيم للفواتير فيوجد موقع قولدن سنت و اذا كان التعامل كثيرا يكون هناك خصم للعملاء الدائمين , و ايضا خصم اي هيرب يقدم منتجات عديدة حتي يتم الاستفادة من الخصومات من كود ايهيرب و يكون هناك منتجات عديدة متنوعة

Anonymous said...

السلام عليكم ورحمة الله وبركاته
انا مسافر بره مصر كنت مستلم شغل من واحد وبسدده وفجأه عرفت من العائله إن انا جايلى شكوى ب٥٠٠ الف جنيه مع العلم
إن المبلغ المستحق ٦٠ الف جنيه وانا خارج البلاد حاليا وتم الحكم فى القضيه من تقريبا سنتين وانا لم استأنف وطلبت منه التصالح لكن المحامى الخاص به جشع فى البدايه طلب ٢٠ الف جنيه اتعاب الى ان وصل الى ١٠ الاف جنيه اتعاب انا لا انوى ان اقبل ماله ولكن هل تسقط القضيه بعد مرور الثلاث سنوات وتمحا من السجل ام لا تمحا وتكون سابقه انا لم استأنف الحكم ولقد مضيت الوصل وانا بالخارج وتمت شكوتى وانا بالخارج وفى حالة مرور المده ماذا لو لم تمحا من السجل الخاص بى هل اذا تم التراضى والتصالح ان يتنازل الطرف الأخر وتمحا حين ذلك وشكرا جزيلا

couponcode said...

يقدم لكم الان كوبون خصم نون افضل واقوى الخصومات والعروض الرائعة على جميع المنتجات والبضائع المختلفة التى تناسب الجميع بالاضافة الى كل ذلك فان كوبون نون يهدف للوصول الى اقصى درجات الجودة فى تحقيق جميع خدماتكم وذلك لكى يوفر لكم افضل فرصة للتسوق عبر الانترنت على الاطلاق لذلك واكثر كن على ثقة تامة انك مع خصم نون سوف تحصل على افضل المنتجات باقل الاسعار الممكنة واكبر التخفيضات التى لن تجد مثلها فى اى موقع اخر

egyptbag said...

احصلوا الان علي افضل شنط لاب توب رجالى من خلال كبري شركات تصنيع شنط رجالى حيث انهم يعملون علي توفير كبري المصانع الخاصة في تصنيع شنط دعايه الممميزة وهنا يمكنكم الحصزل علي افضل شنط هدايا بلاستيك العالمية

Unknown said...

ارجو من الشخص الفاضل (مدونة الدفاع) الرد عندى طرف ثالت عايز يتنازل
كيف يتم التنازل بدون اى خطوره عليه من قبل الطرفين الاخرين

ايمن الشلقامي said...

كم قيمه أتعاب المحامي في قضيه إيصال امانه استمرت ثلاثه سنوات بالمحكمه وبالخير وضعو المبلغ المستحق وهوتسعون الف بالمحكمه كم يأخذ أتعاب المحامي مع أني انا اللي بصرف علي القضية من البدائع وشكرا

maxcode40 said...

يوجد فى متجر ماكس فاشون الكثير من المنتجات المختلفة التى تنال اعجاب المراة بالاضافة الى الاكسسوارات و العطور المميزة بافضل الاسعار حيث يوفر كود خصم ماكس فاشون العديد من العروض و التخفيضات

Anonymous said...

نفس المشكله

Anonymous said...

السلام عليكم ورحمة الله وبركاته
انا مسافر بره مصر كنت مستلم شغل من واحد وبسدده وفجأه عرفت من العائله إن انا جايلى شكوى ب٥٠٠ الف جنيه مع العلم
إن المبلغ المستحق ٦٠ الف جنيه وانا خارج البلاد حاليا وتم الحكم فى القضيه من تقريبا سنتين وانا لم استأنف وطلبت منه التصالح لكن المحامى الخاص به جشع فى البدايه طلب ٢٠ الف جنيه اتعاب الى ان وصل الى ١٠ الاف جنيه اتعاب انا لا انوى ان اقبل ماله ولكن هل تسقط القضيه بعد مرور الثلاث سنوات وتمحا من السجل ام لا تمحا وتكون سابقه انا لم استأنف الحكم ولقد مضيت الوصل وانا بالخارج وتمت شكوتى وانا بالخارج وفى حالة مرور المده ماذا لو لم تمحا من السجل الخاص بى هل اذا تم التراضى والتصالح ان يتنازل الطرف الأخر وتمحا حين ذلك وشكرا جزيلا

spriicoupon said...

اليكم الان خصومات علي ملابس الاطفال من sprii discount code و التي تصنع من اجود الخامات القطنيه و عاليه الجوده حتي يشعر الطفل بالراحه و كما يوفر ايضا جميع مستلزمات الام و طفلها وما تحتاج من منتجات و بالاضافه الي ذلك المستلزمات المنزليه

Unknown said...

لو سمحت انا كنت شغال محاسب في شركه وماضي علي وصل علي ابيض وحصلت مشاكل بيني وبين صاحب الشغل وروحت عملت محضر اثبات حاله وبعدها لقيته رافع عليا الوصل بمبلغ كبير وباسم ناس معرفهمش والقضيه خدت حكم سنه لحد ما وصلت لمعارضه استئنافيه وعندي جلسه بعد شهر يا تري في اي حل للقضيه دي ملوحظه انا كنت ماضي اسمي بس ومش باصم ولا كاتب صلب الموضوع

Unknown said...

هل يجوز عمل استئناف علي البراءه من قبل المجني عليه في ايصال امانه

ميدو said...

اناماضى وصل امانه بمبلغ 320 ألف و راجل مش راضى ياخد الفلوس بيقول احبسك ايه الحل وأنا عاوز ادفع اعمل ايه ارجو الرد